26/04/2019 11:15 GMT+7 Email Print Like 0

ຫວຽດນາມ ແລະ ບຣາຊິນ ເພີ່ມທະວີການຮ່ວມມືໃນຂົງເຂດນິຕິບັນຍັດ

ວັນທີ 24 ເມສາ, ຄະນະຜູ້ແທນສະພາແຫ່ງຊາດ ຫວຽດນາມ ໂດຍທ່ານຮອງປະທານສະພາແຫ່ງຊາດ ອວງຈູລຶວ ນຳໜ້າໄດ້ເຂົ້າຢ້ຽມຂ່ຳນັບທ່ານປະທານສະພາສູງ ບຣາຊິນ Davi Alcolumbre.
ທ່ານຮອງປະທານສະພາແຫ່ງຊາດ ອວງຈູລຶວ ເຂົ້າຢ້ຽມຂ່ຳນັບ
ທ່ານປະທານສະພາສູງ ບຣາຊິນ Davi Alcolumbre (ພາບ:TTXVN)

ທີ່ການພົບປະ, ທ່ານປະທານສະພາສູງ ບຣາຊິນ Davi Alcolumbre ເນັ້ນໜັກວ່າ: ການຢ້ຽມຢາມຂອງຄະນະຜູ້ແທນສະພາແຫ່ງຊາດ ຫວຽດນາມ ໄດ້ປະກອບສ່ວນນຳການພົວພັນລະຫວ່າງ 2 ປະເທດຂຶ້ນສູ່ລະດັບສູງໃໝ່, ແທດຈິງ ແລະ ມີປະສິດທິຜົນກ່ວາ. ສະພາສູງ ບຣາຊິນ ປາດຖະໜາຢາກໄປຢ້ຽມຢາມ ຫວຽດນາມ ໃນໄລຍະໄວໆນີ້ ເພື່ອຜັນຂະຫຍາຍບັນດາການເຄື່ອນໄຫວຮ່ວມມືລະຫວ່າງ 2 ອົງການນິຕິບັນຍັດ, ຊຸກຍູ້ການພົວພັນມິດຕະພາບລະຫວ່າງ 2 ປະເທດ.

ສ່ວນທ່ານຮອງປະທານສະພາແຫ່ງຊາດ ອວງຈູລຶວ ຢືນຢັນວ່າ: ຫວຽດນາມ ຍາມໃດກໍ່ເອົາໃຈໃສ່ ແລະ ປາດຖະໜາຢາກຊຸກຍູ້ການພົວພັນກັບ ບຣາຊິນ ຢ່າງຮອບດ້ານ, ນຳການພົວພັນຮ່ວມມື 2 ຝ່າຍພັດທະນາ, ເປັນຕົ້ນແມ່ນໃນບັນດາຂົງເຂດເສດຖະກິດ, ການລົງທຶນ ແລະ ການຄ້າ, ການປ້ອງກັນຊາດປ້ອງກັນຄວາມສະຫງົບ ໃຫ້ເໝາະສົມກັບການພົວພັນດ້ານການເມືອງ ແລະ ຄວາມສາມາດບົ່ມຊ້ອນຂອງ 2 ປະເທດ.

ກ່ອນໜ້ານັ້ນ, ທ່ານຮອງປະທານສະພາແຫ່ງຊາດ ຫວຽດນາມ ອວງຈູລຶວ ກໍ່ມີການພົບປະກັບທ່ານຮອງປະທານສະພາຕ່ຳຜູ້ທີ 1 ຂອງ ບຣາຊິນ Marcos Pereira ແລະ ມີການພົບປະກັບທ່ານນາງ Sorroco Gomez ຫົວໜ້າສູນສັນຕິພາບເພື່ອຄວາມສາມັກຄີບັນດາຊົນເຜົ່າ ແລະ ຕໍ່ສູ້ເພື່ອສັນຕິພາບຂອງ ບຣາຊິນ, ທັງເປັນປະທານສະພາສັນຕິພາບ ໂລກ.

(ແຫຼ່ງຄັດຈາກ VOV)