ທ່ານນາງປະທານສະພາແຫ່ງຊາດຖືວ່າ ການຢ້ຽມຢາມຂອງທ່ານນາງຮອງນາຍົກລັດຖະມົນຕີ ມາເລເຊຍ ມີຄວາມໝາຍສຳຄັນອັນໃຫຍ່ຫຼວງ, ເຊິ່ງໄດ້ດຳເນີນກົງກັບໂອກາດທີ່ສອງປະເທດ ສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ມາເລເຊຍ (1973 -2018); ການຢ້ຽມຢາມຈະນຳເອົາຜົນປະໂຫຍດມາສູ່ປະຊາຊົນສອງປະເທດ ແລະ ສ້າງຄວາມໄວ້ເນື້ອເຊື່ອໃຈທາງດ້ານການເມືອງ, ພ້ອມນັ້ນ ກໍ່ຮັດແໜ້ນສາຍພົວພັນມິດຕະພາບລະຫວ່າງສອງຝ່າຍໃຫ້ແໜ້ນແຟ້ນກວ່າເກົ່າ.

 ທ່ານນາງປະທານສະພາແຫ່ງຊາດ ຫງວຽນທິກິມເງິນ ປາຖະໜາຢາກໃຫ້ສະພາແຫ່ງຊາດ ມາເລເຊຍ ພິຈາລະນາໃຫ້ສັດຕະຍາບັນໂດຍໄວ ເພື່ອໃຫ້ສັນຍາ CPTPP ມີຜົນບັງຄັບໃຊ້ ແລະ ກ້າວເຂົ້າສູ່ການຜັນຂະຫຍາຍ, ປະກອບສ່ວນຊຸກຍູ້ການຄ້າເສລີ ແລະ ການຮ່ວມສຳພັນເສດຖະກິດພາກພື້ນ.

ທ່ານນາງ ຮອງນາຍົກລັດຖະມົນຕີ ມາເລເຊຍ Wan Azizah Wan Ismail ຫັວງວ່າການພົວພັນສອງປະເທດຈະນັບມື້ນັບແໜ້ນແຟ້ນ ແລະ ອົບອຸ່ນ, ພິເສດແມ່ນໃນການພົວພັນການທູດ.

ທ່ານນາງປະທານສະພາແຫ່ງຊາດ ຫງວຽນທິກິມເງິນ ແລະ ທ່ານນາງ ຮອງນາຍົກລັດຖະມົນຕີ ມາເລເຊຍ Wan Azizah Wan Ismail ໄດ້ຕີລາຄາສູງການປະສານສົມທົບລະຫວ່າງສອງປະເທດ ໃນບັນດາເວທີປາໄສພາກພື້ນ ແລະ ສາກົນ, ໂດຍສະເພາະແມ່ນຢູ່ສະຫະປະຊາຊາດ, ອາຊຽນ, APEC, ASEM. ການນຳທັງສອງໄດ້ເຫັນດີເປັນເອກະພາບໂດຍຖືວ່າ ເຊິ່ງແມ່ນບັນດາປະເທດທີ່ມີຜົນປະໂຫຍດໂດຍກົງໃນບັນຫາທະເລຕາເວັນອອກ, ສອງຝ່າຍຄວນຕັ້ງໜ້າຮ່ວມມືກັບບັນດາປະເທດ ອາຊຽນ ອື່ນ ຮ່ວມສົມທົບຫຼັກໝັ້ນ, ປັບປຸງຄວາມສາມັກຄີ, ບົດບາດຂອງ ອາຊຽນ ໃນການແກ້ໄຂບັນຫາທະເລຕາເວັນອອກ ໂດຍສັນຕິວິທີ.

(ແຫຼ່ງຄັດຈາກ VOV)