ຝ່າຍຫວຽດນາມ ເຂົ້າຮ່ວມກອງປະຊຸມ. (ພາບ: tdtt.gov.vn)

ວັນທີ 25 ກຸມພາ, ຕາມແຫຼ່ງຂ່າວຈາກກົມໃຫຍ່ກິລາກາຍຍະກຳ, ກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ແລ້ວ, ກອງປະຊຸມຄັ້ງທີ 2 ຂອງກອງປະຊຸມສະພາກິລາຄົນພິການບັນດາປະເທດອາຊີຕາເວັນອອກສ່ຽງໃຕ້ (APSF) ແລະ ວຽກງານຈັດຕັ້ງ ASEAN Para Games 11 ໄດ້ຈັດຂຶ້ນທາງອອນລາຍ.

        ທີ່ກອງປະຊຸມ, ການນຳສະຫະພັນກິລາຄົນພິການອາຊີຕາເວັນອອກສ່ຽງໃຕ້ ໄດ້ປະກາດບົດບັນທຶກກ່ຽວກັບການຍົກເລີກການຈັດຕັ້ງ ASEAN Para Games 10 ຢູ່ ຟີລິບປິນ; ໃຫ້ສັດຕະຍາບັນການມອບສິດຈັດຕັ້ງ ASEAN Para Games 11 ໃຫ້ແກ່ຫວຽດນາມ ແລະ ຕົກລົງຈັດກອງປະຊຸມໃຫຍ່ຄະນະບໍລິຫານງານສະຫະພັນກິລາຄົນພິການອາຊີຕາເວັນອອກສ່ຽງໃຕ້ທີ່ ຈະຈັດຂຶ້ນໃນເດືອນ ທັນວາ 2021 ຢູ່ຮ່າໂນ້ຍ.

        ທີ່ກອງປະຊຸມ, ຝ່າຍເຈົ້າພາບຫວຽດນາມ ໄດ້ລາຍງານເບື້ອງຕົ້ນວຽກງານກະກຽມງານມະຫາກຳກິລາເຖິງບັນດາສະມາຊິກ. ຕາມນັ້ນແລ້ວ, ຫວຽດນາມ ຈະຈັດການແຂ່ງຂັນ 11 ປະເພດຢູ່ຫຼາຍສະຖານທີ່ຄື: ແລ່ນ ແລະ ລານ, ລອຍນ້ຳ, ຍົກນ້ຳໜັກ… ນີ້ກໍ່ແມ່ນເນື້ອໃນສຳຄັນທີ່ສຸດເຊິ່ງບັນດາປະເທດມີຄວາມສົນໃຈ ແລະ ປຶກສາຫາລື.

(ແຫຼ່ງຄັດຈາກ VOV)