21/06/2019 09:13 GMT+7 Email Print Like 0

ຫວຽດນາມ ສ້າງເງື່ອນໄຂໃຫ້ວິສາຫະກິດ ສ.ເກົາຫຼີ ເປີດກວ້າງການລົງທຶນ

ວັນທີ 19 ມິຖຸນາ, ໃນມື້ເຮັດວຽກທໍາອິດຢູ່ ເຊີອູນ, ສ.ເກົາຫຼີ, ທ່ານຮອງນາຍົກລັດຖະມົນຕີຫວຽດນາມ ເວືອງດິ່ງເຫວ້ ໄດ້ໃຫ້ການຕ້ອນຮັບປະທານກຸ່ມບໍລິສັດຂອງ ສ.ເກົາຫຼີຈໍານວນໜຶ່ງ ເປັນຕົ້ນແມ່ນ Hyosung, Lotte, Hanwha Du Hyong Ryoo, GS E&C Woo Mu Hion; ໃຫ້ການຕ້ອນຮັບການນໍາບັນດາກອງເງິນລົງທຶນດ້ານອະສັງຫາລິມະສັບ ສ.ເກົາຫຼີ.

ທ່ານຮອງນາຍົກລັດຖະມົນຕີ ເວືອງດິ່ງເຫວ້ ແລະ ທ່ານປະທານກຸ່ມບໍລິສັດHyosung Cho Hyun Joon (ພາບ: TTXVN)

ທີ່ການຕ້ອນຮັບຄັ້ງຕ່າງໆ, ທ່ານຮອງນາຍົກລັດຖະມົນຕີ ເວືອງດິ່ງເຫວ້ ໄດ້ຮັບຮູ້ ແລະ ຕີລາຄາສູງບັນດາກຸ່ມບໍລິສັດທີ່ເຂົ້າມາລົງທຶນດໍາເນີນທຸລະກິດຢູ່ຫວຽດນາມ ດ້ວຍບັນດາໂຄງການທີ່ມີຂອບຂະໜາດໃຫຍ່; ພ້ອມທັງປາດຖະໜາວ່າ ບັນດາກຸ່ມບໍລິສັດເທົ່ານັ້ນ ຈະເຄື່ອນໄວຍາວນານ ແລະ ເປີດກວ້າງການລົງທຶນຢູ່ ຫວຽດນາມ. ທ່ານຮອງນາຍົກລັດຖະມົນຕີ ເວືອງດິ່ງເຫວ້ ຢັ້ງຢືນວ່າ ເພື່ອຊຸກຍູ້ການພົວພັນດ້ານເສດຖະກິດ, ການລົງທຶນ ໃຫ້ຫຼາຍກວ່າອີກນັ້ນ ລັດຖະບານ, ນາຍົກລັດຖະມົນຕີ ຈະແກ້ໄຂບັນດາສິ່ງຕິດຂັດໂດຍໄວ ແລະ ສ້າງເງື່ອນໄຂສະດວກເພື່ອໃຫ້ບັນດາວິສາຫະກິດ ສ.ເກົາຫຼີ ດໍາເນີນທຸລະກິດ ຢູ່ຫວຽດນາມ ເປັນຢ່າງດີ.

        ແລະກໍໃນວັນດຽວກັນ, ທ່ານຮອງນາຍົກລັດຖະມົນຕີ ເວືອງດິ່ງເຫວ້ ໄດ້ເປັນສັກຂີພິຍານພິທີລົງນາມໃນການຮ່ວມມືຍຸດທະສາດ ລະຫວ່າງ ກຸ່ມບໍລິສັດ ອານຟາດ Holdings ຂອງຫວຽດນາມ ແລະ ບໍລິສັດ TLC ສ.ເກົາຫຼີ ກ່ຽວກັບການເປີດກວ້າງຂອບຂະໜາດການຜະລິດວັດຖຸດິບທີ່ສາມາດເປື່ອຍລະລາຍເອງ  ກັບສິ່ງແວດລ້ອມ ຢູ່ ສ.ເກົາຫຼີ ແລະ ຜັນຂະຫຍາຍການລົງທຶນໂຄງການຜະລິດວັດຖຸຊີວະພາບເປື່ອຍລະລາຍ ຢູ່ຫວຽດນາມ,ດ້ວຍຍອດເງິນລົງທຶນ 100 ລ້ານ USD.

        ນອກຈາກນັ້ນ, ທ່ານ ເວືອງດິ່ງເຫວ້ ກໍໄດ້ໄປຢ້ຽມຢາມປະຊາຄົມຊາວຫວຽດນາມ, ພະນັກງານ, ພາລະກອນສະຖານທູດຫວຽດນາມ ປະຈໍາ ສ.ເກົາຫຼີ ອີກດ້ວຍ.

(ແຫຼ່ງຄັດຈາກ VOV)