22/05/2021 13:15 GMT+7 Email Print Like 0

ຫວຽດນາມ ສະເໝີໃຫ້ ອີຢູ ໜູນຊ່ວຍແຫຼ່ງວັກຊິນກັນໂຄວິດ-19

ທ່ານປະທານສະພາແຫ່ງຊາດ ໄດ້ສະເໜີໃຫ້ ອີຢູ ຈົ່ງສືບຕໍ່ໜູນຊ່ວຍ, ສ້າງເງື່ອນໄຂຊ່ວຍຫວຽດນາມ ສຳຜັດກັບແຫຼ່ງວັກຊິນກັນໂຄວິດ-19 ຂອງເອີລົບ, ຮ່ວມມືໃນການແບ່ງປັນລິຂະສິດເຕັກໂນໂລຊີຜະລິດວັກຊິນກັນໂຄວິດ-19.
ທ່ານປະທານສະພາແຫ່ງຊາດ ເວືອງດິ່ງເຫ້ວ ຕ້ອນຮັບທ່ານ Giorgio Aliberti, ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າອີຢູ ປະຈຳຫວຽດນາມ. (ພາບ: TTXVN)

ຕອນເຊົ້າວັນທີ 21 ພຶດສະພາ, ຢູ່ຮ່າໂນ້ຍ, ທີ່ການຕ້ອນຮັບທ່ານ Giorgio Aliberti, ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າສະຫະພາບເອີລົບ (ອີຢູ) ປະຈຳຫວຽດນາມ ມາເຂົ້າຢ້ຽມຂ່ຳນັບຕາມພິທີການທູດ, ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫ້ວ ໄດ້ຂອບໃຈ ອີຢູ ທີ່ໄດ້ໜູນຊ່ວຍວັກຊິນໃຫ້ແກ່ຫວຽດນາມ ໃນລໄຍະຜ່ານມາ ຜ່ານກົນໄກ COVAX, WHO. ເຖິງຢ່າງໃດກໍ່ຕາມ, ອັດຕາຜູ້ໄດ້ສັກວັກຊິນຢູ່ຫວຽດນາມ ຍັງຕໍ່ຳຢູ່, ຍັງບໍ່ທັນສ້າງການຕ້ານທານໃນຊຸມຊົນ ເພື່ອສ້າງຄວາມສະດວກໃຫ້ແກ່ການພັດທະນາເສດຖະກິດ-ສັງຄົມ, ການແລກປ່ຽນການຄ້າ ແລະ ທ່ອງທ່ຽວ. ຜ່ານທ່ານເອກອັກຄະລັດຖະທູດ, ທ່ານປະທານສະພາແຫ່ງຊາດ ໄດ້ສະເໜີໃຫ້ ອີຢູ ຈົ່ງສືບຕໍ່ໜູນຊ່ວຍ, ສ້າງເງື່ອນໄຂຊ່ວຍຫວຽດນາມ ສຳຜັດກັບແຫຼ່ງວັກຊິນກັນໂຄວິດ-19 ຂອງເອີລົບ, ຮ່ວມມືໃນການແບ່ງປັນລິຂະສິດເຕັກໂນໂລຊີຜະລິດວັກຊິນກັນໂຄວິດ-19.

        ທ່ານເອກອັກຄະລັດຖະທູດ Giorgio Aliberti ໄດ້ເນັ້ນໜັກເຖິງຄວາມສຳຄັນຂອງເລື່ອງເພີ່ມທະວີການສັກວັກຊິນກັນໂຄວິດ-19 ໃນປະຈຸບັນ ແລະ ຢືນຢັນວ່າ, ອີຢູ ສະໜັບສະໜູນຢ່າງແຮງກົນໄກ “ທົ່ວໂລກສຳຜັດກັບວັກຊິນກັນໂຄວິດ-19” (COVAX) ແລະ ມາຮອດປະຈຸບັນໄດ້ສະໜອງວັກຊິນໃຫ້ຫວຽດນາມ 2,4 ລ້ານໂດສ ແລ້ວ ແລະ ຈະສືບຕໍ່ເພີ່ມຂຶ້ນນັບແຕ່ນີ້ຮອດທ້າຍປີ.

(ແຫຼ່ງຄັດຈາກ VOV)