20/05/2019 13:55 GMT+7 Email Print Like 0

ຫວຽດນາມໃຫ້ຄຳໝັ້ນສັນຍາແມ່ນປັດໃຈຕັ້ງໜ້າໃນການຮ່ວມມືພັດທະນາສາກົນ

ຫວຽດນາມ ຕີລາຄາສູງຂໍ້ລິເລີ່ມຈັດຕັ້ງງານວາງສະແດງຮ່ວມມືສາກົນ Exco 2019 ຂອງອີຕາລີ.


ຫວຽດນາມໃຫ້ຄຳໝັ້ນສັນຍາແມ່ນປັດໃຈຕັ້ງໜ້າໃນການຮ່ວມມືພັດທະນາສາກົນ

(ພາບ: TTXVN)


ພ້ອມທັງ, ໃຫ້ຄຳໝັ້ນສັນຍາຈະແມ່ນປັດໃຈຕັ້ງໜ້າໃນບັນດາຮູບແບບ, ເຄືອຂ່າຍການຮ່ວມມືພັດທະນາສາກົນ, ມຸ່ງໄປເຖິງບັນດາເປົ້າໝາຍພັດທະນາແບບຍືນຍົງໃນທົ່ວໂລກ (SDGs) ຕາມໂຄງການດຳເນີນງານ 2030 ຂອງສະຫະປະຊາຊາດ.

        ນີ້ແມ່ນຄຳກ່າວປາໄສຂອງທ່ານ ກາວແມ້ງເກື່ອງ, ຮອງຫົວໜ້າກົມເສດຖະກິດການຕ່າງປະເທດ, ກະຊວງແຜນການ ແລະ ການລົງທຶນຫວຽດນາມ ພາຍຫຼັງບັນລະຍາຍໃນຂອບເຂດລາຍການເຄື່ອນໄຫວຂອງງານວາງສະແດງ Exco 2019, ເຊິ່ງດຳເນີນລະຫວ່າງວັນທີ 15 – 17 ພຶດສະພາ, ຢູ່ Rome. ໃນວາລະບັນລະຍາຍວັນທີ 17 ພຶດສະພາ, ຫວຽດນາມ ໄດ້ແນະນຳໃຫ້ບັນດາຜູ້ແທນສາກົນຮັບຮູ້ກ່ຽວກັບທ່າອ່ຽງຂອງການຮ່ວມມື, ພັດທະນາຢູ່ຫວຽດນາມ; ເນັ້ນໜັກເຖິງການຮ່ວມມື 2 ຝ່າຍລະຫວ່າງຫວຽດນາມ - ອີຕາລີ ໃນຂົງເຂດດັ່ງກ່າວ.

        ຕາມທ່ານ ກາວແມ້ງເກື່ອງ ແລ້ວ, ຜ່ານ Exco 2019, ບັນດາຄູ່ຄ້າໃນການຮ່ວມມືພັດທະນາໃຕ້-ໃຕ້ ມີໂອກາດໄດ້ເຊື່ອມຕໍ່, ແລກປ່ຽນບົດຮຽນ, ປັບປຸງເຄືອຂ່າຍການຮ່ວມມືພັດທະນາໃນເງື່ອນໄຂ, ສະພາບການ ແລະ ສິ່ງທ້າທາຍໃໝ່ທີມີລັກສະນະທົ່ວໂລກ.

 (ແຫຼ່ງຄັດຈາກ VOV)