13/12/2020 08:15 GMT+7 Email Print Like 0

ຫວຽດນາມເປັນປະທານກອງປະຊຸມກຸ່ມປະຕິບັດງານກ່ຽວກັບ ສານສາກົນ

      ທ່ານເອກອັກຄະລັດຖະທູດ ໄດ້ຢັ້ງຢືນວ່າ ຄຳໝັ້ນສັນຍາຂອງ ຫວຽດນາມໃນຕຳແໜ່ງເປັນປະທານກຸ່ມປະຕິບັດງານຈະໜູນຊ່ວຍ, ຊຸກຍູ້ການໂອ້ລົມສົນທະນາ ດ້ວຍຈິດໃຈຮ່ວມມືລະຫວ່າງກຸ່ມປະຕິບັດງານ ແລະ ປະທານ, ພະນັກງານໄອຍະການ ແລະ ພະນັກງານຈ່າສານ.

ທ່ານ ເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ
(ພາບ: TTXVN)
      ວັນທີ 11 ທັນວາ, ຢູ່ນິວຢອກ, ອາເມລິກາ, ທ່ານ ເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ, ປະທານກຸ່ມປະຕິບັດງານ ບໍ່ເປັນທາງການຂອງ ສະພາຄວາມໝັ້ນຄົງ ສປຊ ກ່ຽວກັບ ສານສາກົນ, ໄດ້ເປັນປະທານກອງປະຊຸມປະຈຳ 6 ເດືອນຂອງກຸ່ມປະຕິບັດງານ. ກ່າວຄຳເຫັນໄຂກອງປະຊຸມ, ທ່ານ ເອກອັກຄະລັດຖະທູດ ດັ້ງດິ່ງກຸ໊ຍ ໄດ້ສະແດງຄວາມຂອບອົກຂອບໃຈຕໍ່ຈິດໃຈການຮ່ວມມື, ສ້າງສັນຂອງ ບັນດາສະມາຊິກໃນບັນດາວຽກງານຂອງກຸ່ມປະຕິບັດງານໃນປີ 2019. ທ່ານເອກອັກຄະລັດຖະທູດ ໄດ້ຢັ້ງຢືນວ່າ ຄຳໝັ້ນສັນຍາຂອງ ຫວຽດນາມໃນຕຳແໜ່ງເປັນປະທານກຸ່ມປະຕິບັດງານຈະໜູນຊ່ວຍ, ຊຸກຍູ້ການໂອ້ລົມສົນທະນາ ດ້ວຍຈິດໃຈຮ່ວມມືລະຫວ່າງກຸ່ມປະຕິບັດງານ ແລະ ປະທານ, ພະນັກງານໄອຍະການ ແລະ ພະນັກງານຈ່າສານ.
            ກຸ່ມປະຕິບັດງານບໍ່ເປັນທາງການກ່ຽວກັບສານສາກົນ ແມ່ນອົງການ ໂດຍສະພາຄວາມໝັ້ນຄົງ ສປຊສ້າງຕັ້ງຂຶ້ນໃນປີ 2000.  ປັດຈຸບັນ, ຫວຽດນາມ ແມ່ນປະທານຂອງ 3 ອົງການສັງກັດ ລວມມີ: ກຸ່ມປະຕິບັດງານ, ຄະນະກຳມະການລົງໂທດກ່ຽວກັບຊູດັງໃຕ້ ແລະ ບີບັງ. ຕາມປົກກະຕິແລ້ວ, ອາຍຸການປະທານຂອງບັນດາອົງການສັງກັດຈະແກ່ຍາວເປັນເວລາ 2 ປີ ແລະ ໂດຍບັນດາກຳມະການບໍ່ປະຈຳການຂອງສະພາຄວາມໝັ້ນຄົງ ສປຊ ຮັບຜິດຊອບ.  
(ແຫຼ່ງຄັດຈາກ VOV)