• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມເດັດດ່ຽວຄັດຄ້ານແລະປະຕິເສດຂໍ້ຕົກລົງຂອງຈີນຫ້າມການຫາປາຢູ່ທະເລຕາເວັນອອກ

      ວັນທີ 4/5 ທີ່ການປະຊຸມຂ່າວນັດສາມັນຂອງກະຊວງການຕ່າງປະເທດຫວຽດນາມ, ເມື່ອຕອບຄຳຖາມກ່ຽວກັບປະຕິກິລິຍາຂອງຫວຽດນາມ ກ່ຽວຂ້ອງເຖິງຂໍ້ກຳນົດຫ້າມການຫາປາຢູ່ທະເລຕາເວັນອອກ ຊື່ງຈີນ ໄດ້ວາງອອກຕາມລຳພັງຝ່າຍດຽວ
ໂຄສົກກະຊວງການຕ່າງປະເທດຫວຽດນາມ ເລທິທູຮັ່ງ 
      ຕາມນັ້ນແລ້ວ ຫ້າມບັນດາການເຄື່ອນໄຫວຫາປາຢູ່ທະເລຕາເວັນອອກນັບແຕ່ວັນທີ 1/5 ຮອດວັນທີ 16/8, ໂຄສົກກະຊວງການຕ່າງປະເທດຫວຽດນາມ ເລທິທູຮັ່ງ ຊີ້ແຈ້ງວ່າ:
        “ຫວຽດນາມເດັດດ່ຽວຄັດຄ້ານ ແລະ ປະຕິເສດຂໍ້ຕົກລົງຕາມລຳພັງຝ່າຍດຽວຂອງຈີນ ເພາະໄດ້ລະເມີດອະທິປະໄຕຂອງຫວຽດນາມ ສຳລັບໝູ່ເກາະຮ່ວາງຊາ ກໍຄືບັນດາສິດຖືກຕ້ອງກັບກົດໝາຍສຳລັບບັນດາເຂດທະເລຂອງຫວຽດນາມ ໄດ້ຮັບຮູ້ວ່າແມ່ນສອດຄ່ອງກັບສົນທິສັນຍາຂອງ ສະຫະປະຊາຊາດ ກ່ຽວກັບກົດໝາຍວ່າດ້ວຍທະເລປີ 1982, ລະເມີດກົດໝາຍສາກົນ, ໃນນັ້ນ ມີສົນທິສັນຍາກົດໝາຍວ່າດ້ວຍທະເລຂອງສະຫະປະຊາຊາດປີ 1982 ແລະ ບັນດາເອກະສານນິຕິກຳສາກົນທີ່ກ່ຽວຂ້ອງ, ໄປຝືນກັບຈິດໃຈ ແລະ ເນື້ອໃນຂອງຖະແຫລງການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ລະຫວ່າງ ອາຊຽນ ແລະ ຈີນ, ບໍ່ສອດຄ່ອງກັບທ່າອ່ຽງພັດທະນາຂອງການພົວພັນລະຫວ່າງສອງປະເທດໃນສະພາບການປະຈຸບັນ, ບໍ່ມີຜົນປະໂຫຍດຕໍ່ການຮັກສາສັນຕິພາບ, ສະຖຽນລະພາບຢູ່ພາກພື້ນ”
        ກ່ຽວກັບທັດສະນະຂອງຫວຽດນາມ ສຳລັບ ສັນຍາຄູ່ຮ່ວມມືເສດຖະກິດຂ້າມປາຊີຟີກ (TPP), ຊື່ງໄດ້ໂຮມປະຊຸມລະຫວ່າງ 11 ປະເທດສະມາຊິກຫວ່າງແລ້ວນີ້ ໂດຍບໍ່ມີການເຂົ້າຮ່ວມຂອງອາເມລິກາ, ທ່ານນາງໂຄສົກກະຊວງການຕ່າງປະເທດຫວຽດນາມ ເລທິທູຮັ່ງ ຢືນຢັນວ່າ: ຫວຽດນາມ ຖືການເຂົ້າຮ່ວມ TPP ແລະ ບັນດາສັນຍາການຄ້າເສລີ (FTA) ແມ່ນຫນຶ່ງໃນບັນດາບາດກ້າວຜັນຂະຫຍາຍແຜນນະໂຍບາຍ ເປັນເຈົ້າການ ແລະ ຕັ້ງຫນ້າເຊື່ອມໂຍງເຂົ້າກັບເສດຖະກິດສາກົນຢ່າງເລິກເຊິ່ງກວ້າງຂວາງ, ຮອບດ້ານ, ສ້າງລະບົບກົດໝາຍ ແລະ ລະບອບເສດຖະກິດການຕະຫລາດໃຫ້ສົມບູນແບບ, ສ້າງກຳລັງຫນູນໃຫມ່ເພື່ອພັດທະນາ ພ້ອມທັງປະກອບສ່ວນເຂົ້າທ່າອ່ຽງເຊື່ອມໂຍງ ແລະ ຮ່ວມສຳພັນພາກພື້ນ.
 (ແຫຼ່ງຄັດຈາກ VOV)

ທ່ານເລຂາທິການໃຫຍ່ ໂຕເລິມ ເຂົ້າຮ່ວມງານສະແດງສິລະປະ ຈົດຈຳຄຳສັ່ງສອນຂອງປະທານ ໂຮ່ຈີມິນ - ສຽງທະຫານເຄື່ອນທັບດັງກ້ອງ

ທ່ານເລຂາທິການໃຫຍ່ ໂຕເລິມ ເຂົ້າຮ່ວມງານສະແດງສິລະປະ “ຈົດຈຳຄຳສັ່ງສອນຂອງປະທານ ໂຮ່ຈີມິນ - ສຽງທະຫານເຄື່ອນທັບດັງກ້ອງ”

ບັນດາຜູ້ແທນໄດ້ຮັບຊົມບັນດາຮູບພາບກ່ຽວກັບຜົນງານທີ່ພົ້ນເດັ່ນໃນໄລຍະ 10 ປີແຫ່ງການປະຕິບັດຄຳສັ່ງເລກທີ 05 ຂອງກົມການເມືອງ ກ່ຽວກັບການຍູ້ແຮງການຮໍ່າຮຽນ ແລະ ປະຕິບັດຕາມແນວຄິດ, ຄຸນສົມບັດ, ວິຖີຊີວິດຂອງ ປະທານ ໂຮ່ຈີມິນ

Top