ໃນລະຫວ່າງວັນທີ 04 – 05 ຕຸລາ, ຢູ່ນະຄອນ Krasnodar, ໄດ້ດຳເນີນກອງປະຊຸມຄັ້ງທີ 16 ການນຳບັນດາອົງການມີໜ້າທີ່ພິເສດ, ປ້ອງກັນຄວາມສະຫງົບ ແລະ ປົກປ້ອງກົດໝາຍ. ເຂົ້າຮ່ວມກອງປະຊຸມມີຜູ້ແທນ 116 ຄະນະທີ່ມາຈາກ 74 ປະເທດໃນໂລກ ແລະ ບັນດາອົງການຈັດຕັ້ງສາກົນ.
        ກ່າວຄຳເຫັນທີ່ກອງປະຊຸມ, ທ່ານພົນຕີ ຫງວຽນວັນເຊີນ, ຮອງລັດຖະມົນຕີກະຊວງຕຳຫຼວດຫວຽດນາມ ໄດ້ຕີລາຄາສູງບັນດາຫົວຂໍ້ຂອງກອງປະຊຸມປີນີ້ ແລະ ຖືວ່າ ນີ້ແມ່ນການຄັດເລືອກທີ່ເໝາະສົມໃນສະພາບກໍ່ການຮ້າຍ, ການເຄື່ອນໄຫວຫົວຮຸນແຮງເກີດຂຶ້ນ ແລະ ເພີ່ມຂຶ້ນຢູ່ຫຼາຍປະເທດ, ສົ່ງຜົນສະທ້ອນເຖິງສັນຕິພາບ, ຄວາມໝັ້ນຄົງໃນໂລກຢ່າງຮ້າຍແຮງ. ຕາມ ທ່ານພົນຕີ ຫງວຽນວັນເຊີນ ແລ້ວ, ຫວຽດນາມ ໄດ້ລະດົມກຳລັງແຮງຂອງທົ່ວປວງຊົນເພື່ອເຂົ້າຮ່ວມການສະກັດນັ້ນ, ຕ້ານການກໍ່ການຮ້າຍ; ສຸມໃສ່ສ້າງກອບກົດໝາຍ, ຫົວໜ່ວຍຈັດຕັ້ງສະເພາະກິດ, ເພີ່ມທະວີບັນດາມາດຕະການປ້ອງກັນ, ພົບເຫັນ, ສະກັດກັ້ນບັນດາການເຄື່ອນໄຫວກໍ່ການຮ້າຍ ແລະ ຫົວຮຸນແຮງ. ທ່ານພົນຕີ ຫງວຽນວັນເຊີນ ກໍ່ຢືນຢັນວ່າ, ຫວຽດນາມ ຈະສືບຕໍ່ມານະພະຍາຍາມຊຸກຍູ້, ເປີດກວ້າງການພົວພັນຮ່ວມມືມິດຕະພາບກັບບັນດາປະເທດ, ສະນັບສະໜູນປະຊາຄົມສາກົນໃນການຕໍ່ສູ້ປ້ອງກັນ, ຕ້ານການກໍ່ການຮ້າຍ ແລະ ບັນດາການເຄື່ອນໄຫວຫົວຮຸນແຮງບົນພື້ນຖານເຄົາລົບກົດບັດຂອງສະຫະປະຊາຊາດ ແລະ ບັນດາຫຼັກການພື້ນຖານຂອງກົດໝາຍສາກົນ.