(ພາບປະກອບ)
ລາຍງານລ້າສຸດຂອງກອງປະຊຸມ ສະຫະປະຊາຊາດ ກ່ຽວກັບດ້ານການຄ້າ ແລະ ພັດທະນາ ໄດ້ຢືນຢັນວ່າ, ບັນດານັກລົງທຶນນັບມື້ນັບເອົາໃຈໃສ່ເຖິງພາກພື້ນ “ອາຊີພວມພັດທະນາ“. ສິ່ງດັ່ງກ່າວສະແດງໃຫ້ເຫັນວ່າ, ໃນຍອດຈຳນວນທຶນ 765 ຕຶ້ USD ລົງທຶນໂດຍກົງຂອງຕ່າງປະເທດ (FDI) ໃນປີ 2015 ເຂົ້າບັນດາປະເທດພວມພັດທະນານັ້ນ, ຈຳນວນເງິນລົງທຶນເຂົ້າບັນດາປະເທດ “ອາຊີພວມພັດທະນາ“ ແມ່ນ 541 ຕຶ້ USD, ເຊິ່ງສຸມໃສ່ຕົ້ນຕໍເຂົ້າຕະຫຼາດ 3 ແຫ່ງທີ່ມີຄວາມສາມາດບົ່ມຊ້ອນນັ້ນແມ່ນ: ຫວຽດນາມ, ມຽນມາ, ແລະ ອິນເດຍ. ບັນດາດັດຊະນີທີ່ຫາກໍ່ປະກາດ ໄດ້ເປັນການຢືນຢັນໃຫ້ເຫັນວ່າ, ຫວຽດນາມແມ່ນຈຸດໝາຍພິເສດໃນໄລຍະມໍ່ໆມານີ້. ຕາມການສະຖິຕິລ້າສຸດຂອງລັດຖະບານ, ໄລ່ສະເພາະໃນງວດທີ 1 ປີ 2016, ຫວຽດນາມສາມາດດຶງດູດທຶນ FDI ໄດ້ 11,3 ຕຶ້ USD. ກະຊວງແຜນການ ແລະ ການລົງທຶນ ຫວຽດນາມ ໃຫ້ຮູ້ວ່າ, ບັນດານັກລົງທຶນສ່ວນຫຼາຍໄດ້ສຸມໃສ່ບັນດາໂຄງການລະອຽດ, ພິເສດແມ່ນໃນຂົງເຂດປຸງແຕ່ງ ແລະ ອະສັງຫາລິມະຊັບ.
(ແຫຼ່ງຄັດຈາກ VOV)
