• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມປະຕິບັດບັນດາມາດຕະການປ້ອງກັນຄວບຄຸມໂລກລະບາດໄວຣັດໂຄໂຣນາສາຍພັນໃຫມ່ຢ່າງຂ້ຽວຂາດ

ວັນທີ 8 ກຸມພາ ກະຊວງສາທາລະນະສຸກ ຫວຽດນາມໄດ້ຈັດກອງປະຊຸມໂດຍກົງທາງເຄື່ອຂ່າຍອິນເຕີແນດກັບ 700 ຫົວຫນ່ວຍຢູ່ບັນດາໂຮງໝໍຈາກສູນກາງ ລົງຮອດເມືອງຕ່າງໆ ເພື່ອແນະນຳວິທີປິ່ນປົວ ແລະ ປ້ອງກັນ ຄວບຄຸມໂລກລະບາດໄວຣັດ ໂຄໂຣນາ ສາຍພັນໃຫມ່.


 ທ່ານ ສາດສະດາຈານ ປອ ຫງວຽນແທງລອງ, ຮອງລັດຖະມົນຕີ ກະຊວງສາທາລະນະສຸກ ຫວຽດນາມ ກ່າວຄຳເຫັນທີ່ກອງປະຊຸມ

ພາບ:moh.gov.vn


ເຂົ້າຮ່ວມ ກອງປະຊຸມນີ້ ມີຜູ້ຕາງຫນ້າ ອົງການອະນາໄມໂລກ, ບັນດາຜູ້ຊ່ຽວຊານ, ພະນັກງານການແພດ ຢູ່ບັນດາໂຮງໝໍ, ມະຫາວິທະຍາໄລ, ຜູ້ຕາງຫນ້າຄະນະກຳມະການປະຊາຊົນ, ພະແນກສາທາລະນະສຸກ, ສູນກວດກາພະຍາດບັນດາແຂວງ, ນະຄອນ, ສຸກສາລາທ້ອງຖິ່ນຕ່າງໆ. ກ່າວຄຳເຫັນນະທີ່ນີ້ ທ່ານ ສາດສະດາຈານ ປອ ຫງວຽນແທງລອງ, ຮອງລັດຖະມົນຕີ ກະຊວງສາທາລະນະສຸກ ເນັ້ນຫນັກວ່າ:ການປ້ອງກັນ ຄວບຄຸມໂລກລະບາດຢູ່ຫວຽດນາມພວມໄດ້ຮັບການປະຕິບັດຢ່າງຂ້ຽວຂາດ ດ້ວຍຫລາຍມາດຕະການ ແລະ ເລືອກເຟັ້ນບັນດາວິທີການປິ່ນປົວໃຫ້ເໝາະສົມ. ໃນສະພາບການໂລກລະບາດແຜ່ລາມອອກຢ່າງວ່ອງໄວຄືປະຈຸບັນ, ມາດຕະການແຍກຕົວແມ່ນມີປະສິດທິຜົນ ເພື່ອສະກັດກັ້ນ, ຄວບຄຸມໂລກລະບາດ. ຫວຽດນາມໄດ້ສ້າງຕັ້ງລະບົບແຍກຕົວເປັນ 3 ຂອດ: ທີຫນຶ່ງ ແມ່ນແຍກຕົວບັນດາຜູ້ຖືກສົງໃສ່ວ່າຕິດເຊື້ອ ໄວຣັດ ໂຄໂຣນາສາຍພັນໃຫມ່ ຕ້ອງເຝົ້າຕິດຕາມອາການຢູ່ຮາກຖານສາທາລະນະສຸກ. ທີສອງ ແມ່ນບັນດາພົນລະເມືອງຫວຽດນາມ,ຊາວຕ່າງປະເທດໄປຜ່ານ ຫລື ມາຈາກ ແຂວງ ຮູ່ເປີຍ ກັບຄືນມາຫວຽດນາມຕ້ອງເຝົ້າຕິດຕາມອາການຢູ່ສະຖານທີ່ເຕົ້າໂຮມໂດຍຄະນະກຳມະການປະຊາຊົນ, ນະຄອນ ໄດ້ກຳນົດ. ທີສາມ ຜູ້ທີ່ຢູ່ບັນດາເຂດອື່ນໃນຈີນ ກັບມາຫວຽດນາມ ຕ້ອງແຍກຕົວເຝົ້າຕິດຕາມອາການຢູ່ຄອບຄົວ.

ປະຈຸບັນ ຫວຽດນາມ ມີ 14 ຄົນ ຖືກຕິດໄວຣັດ ໂຄໂຣນາ ສາຍພັນໃຫມ່ ສະເພາ ແຂວງ ຫວີງຟຸກ ມີ 9 ຄົນ.

(ແຫຼ່ງຄັດຈາກ VOV)

ເພີ່ມ​ທະ​ວີ​ການ​ຮ່ວມ​ມື​ລັດ​ຖະ​ສະ​ພາ​ຢ່າງ​ແທ້​ຈິງ, ມີ​ປະ​ສິດ​ທິ​ຜົນ​ລະ​ຫວ່າງ ຫວຽດ​ນາມ ກັບ​ລາວ ແລະ ກຳ​ປູ​ເຈຍ

ເພີ່ມ​ທະ​ວີ​ການ​ຮ່ວມ​ມື​ລັດ​ຖະ​ສະ​ພາ​ຢ່າງ​ແທ້​ຈິງ, ມີ​ປະ​ສິດ​ທິ​ຜົນ​ລະ​ຫວ່າງ ຫວຽດ​ນາມ ກັບ​ລາວ ແລະ ກຳ​ປູ​ເຈຍ

ສອງ​ຝ່າຍ​ຢັ້ງ​ຢືນ​ສືບ​ຕໍ່​ປະ​ສານ​ສົມ​ທົບ​ຢ່າງ​ແໜ້ນ​ແຟ້ນ, ສະ​ໜັບ​ສະ​ໜູນ​ເຊິ່ງ​ກັນ​ແລະ​ກັນ​ຢູ່ AIPA, ສະ​ຫະ​ພັນ ລັດ​ຖະ​ສະ​ພາ ໂລກ (IPU), ເວ​ທີ​ປາ​ໄສ​ລັດ​ຖະ​ສະ​ພາ​ອາ​ຊີ - ປາ​ຊີ​ຟິກ (APPF) ແລະ ສະ​ພາ​ລະ​ຫວ່າງ​ລັດ​ຖະ​ສະ​ພາ​ຝ​ລັ່ງ​ໂກ​ໂຟ​ນີ (APF).

Top