ທ່ານຮອງນາຍົກລັດຖະມົນຕີ ຜູ້ປະຈໍາການລັດຖະບານຫວຽດນາມ ເຈືອງຮວ່າບິ່ງ (ພາບ: TTXVN)
ກ່າວຄໍາເຫັນນະທີ່ນີ້, ທ່ານຮອງນາຍົກລັດຖະມົນຕີ ຜູ້ປະຈໍາການລັດຖະບານຫວຽດນາມ ເຈືອງຮວ່າບິ່ງ ເນັ້ນໜັກວ່າ ກວ່າໄລຍະ 30 ປີ ແຫ່ງການປ່ຽນແປງໃໝ່, ພາຍໃຕ້ການຊີ້ນໍານໍາພາຂອງພັກ, ປະເທດຊາດບັນລຸໄດ້ຜົນງານສໍາຄັນ ແລະ ຮອບດ້ານຫຼາຍຢ່າງ, ບໍ່ພຽງແຕ່ກ່ຽວກັບການພັດທະນາເສດຖະກິດ-ສັງຄົມເທົ່ານັ້ນ ຫາກຍັງຍົກສູງປະສິດທິຜົນ, ປະສິດທິພາບຂອງການເຄື່ອນໄຫວຂອງກົງຈັກລັດ, ສ້າງລັດແຫ່ງອໍານາດນິຕິບັນຍັດສັງຄົມນິຍົມຂອງປະຊາຊົນ, ໂດຍປະຊາຊົນ ແລະ ເພື່ອປະຊາຊົນ. ພ້ອມກັບການປະຕິຮູບກົງຈັກລັດ ແລະ ການປະຕິຮູບການບໍລິຫານ, ພັກ, ລັດ ໄດ້ຖືວຽກງານປະຕິຮູບຕຸລາການເປັນສໍາຄັນ ດ້ວຍເປົ້າໝາຍປ່ຽນແປງໃໝ່, ບູລະນະກົງຈັກການຈັດຕັ້ງ, ບົດບາດໜ້າທີ່ຂອງບັນດາອົງການຍຸຕິທໍາ ແລະ ບັນດາອົງການຈັດຕັ້ງໜູນຊ່ວຍດ້ານຕຸລາການ.
ທ່ານຮອງນາຍົກລັດຖະມົນຕີ ເຈືອງຮວ່າບິ່ງ ສະເໜີໃຫ້ ທະນາຍຄວາມແຕ່ລະຄົນ ຈົ່ງປະຕິບັດຫຼັກການຄຸນສົມບັດ ແລະ ການປະພຶດກ່ຽວກັບອາຊີບໃຫ້ເຂັ້ມງວດ, ເປັນແບບຢ່າງໃນການປະຕິບັດກົດໝາຍ, ຕໍ່ສູ້ບໍ່່ຜ່ອນຜັນຕໍ່ການລະເມີດກົດໝາຍໃນທຸກກໍລະນີ; ປົກປ້ອງ, ຍົກສູງພາບພົດ, ອິດທິພົນຊື່ສຽງ, ມີຄວາມຮັບຜິດຊອບ ຕໍ່ລູກຄ້າ ແລະ ສັງຄົມ. ທ່ານ ກໍຮຽກຮ້ອງໃຫ້ສະຫະພັນທະນາຍຄວາມຫວຽດນາມ ເປັນເຈົ້າການ, ຕັ້ງໜ້າປະຕິບັດບັນດາຂໍ້ກໍານົດຂອງກົດໝາຍວ່າດ້ວຍທະນາຍຄວາມປີ 2006 (ສະບັບປັບປຸງ ແລະ ເພີ່ມເຕີມ 2012) ໃຫ້ເປັນຢ່າງດີ.
(ແຫຼ່ງຄັດຈາກ VOV)
