25/08/2019 08:36 GMT+7 Email Print Like 0

ສ.ເກົາຫຼີ ມີຄວາມວິຕົກກັງວົນຕໍ່ບັນດາເຫດຍິງລູກສອນໄຟຄັ້ງຫຼ້າສຸດຂອງ ສປປ.ເກົາຫຼີ

      ວັນທີ 24 ສິງຫາ, ສະພາເສນາທິການກຳລັງທະຫານປະສົມ (JCS) ສ.ເກົາຫຼີ ໃຫ້ຮູ້ວ່າ: ສປປ.ເກົາຫຼີ ໄດ້ຍິງວັດຖຸບິນຍັງບໍ່ທັນໄດ້ຮັບການຢັ້ງຢືນເທື່ອ 2 ຄັ້ງ ໃສ່ເຂດທະເລທາງທິດຕາເວັນອອກຂອງປະເທດນີ້ (ທະເລ ຍີ່ປຸ່ນ). 
            ນີ້ແມ່ນເຫດຍິງຄັ້ງທີ 7 ໃນຮອບເວລາບໍ່ຮອດ 1 ເດືອນຂອງ ສປປ.ເກົາຫຼີ. ແຈ້ງການຂອງ JCS ໃຫ້ຮູ້ວ່າ: ເຫດຍິງໄດ້ດຳເນີນໃນຕອນເຊົ້າວັນທີ 24 ສິງຫາ ຢູ່ແຂວງ Hamgyong ໃຕ້. JCS ຢັ້ງຢືນວ່າ ພວມຕິດຕາມສະພາບການ ເພື່ອມີຄວາມລະມັດລະວັງຕໍ່ບັນດາເຫດຍິງອື່ນ ແລະ ຮັກສາກໍລະນີກຽມພ້ອມສູ້ຮົບ.
        ບັນດາເຈົ້າໜ້າທີ່ປ້ອງກັນຄວາມສະຫງົບແຖວໜ້າຂອງ ສ.ເກົາຫຼີ ໄດ້ສະແດງຄວາມວິຕົກກັງວົນກ່ຽວກັບເລື່ອງ ສປປ.ເກົາຫຼີ ສືບຕໍ່ຍິງບັນດາວັດຖຸບິນທີ່ຍັງບໍ່ທັນໄດ້ຮັບການຢັ້ງຢືນເທື່ອ. ທີ່ກອງປະຊຸມດ່ວນຂອງຄະນະກຳມະການປະຈຳສະພາຄວາມໝັ້ນຄົງແຫ່ງຊາດ ສ.ເກົາຫຼີ (NSC) ໃນຕອນເຊົ້າວັນທີ 24 ສິງຫາ, ບັນດາເຈົ້າໜ້າທີ່ໄດ້ກະຕຸກຊຸກຍູ້ໃຫ້ ສປປ.ເກົາຫຼີ ຢຸດຕິບັນດາການກະທຳທີ່ເຮັດໃຫ້ຄວາມເຄັ່ງຕຶງດ້ານການທະຫານປີນຂັ້ນໄດໃນແຫຼມ ເກົາຫຼີ.
 (ແຫຼ່ງຄັດຈາກ VOV)