ທ່ານນາຍົກລັດຖະມົນຕີ ຫງວຽນຊວນຟຸກ ຈະຢ້ຽມຢາມອາເມລິກາຢ່າງເປັນທາງການ ແຕ່ວັນທີ 29-31 ພຶດສະພາປີ 2017 ຕາມຄຳເຊີນຂອງປະທານາທິບໍດີ ອາເມລິກາ Donald Trump.          ບັນດາຜູ້ຊ່ຽວຊານ ອາເມລິກາ ໄດ້ໃຫ້ຂໍ້ສັງເກດວ່າ: ການຢ້ຽມຢາມນີ້ແມ່ນໂອກາດເພື່ອໃຫ້ສອງຝ່າຍສຳຜັດກັບບັນດານະໂຍບາຍ, ຄວາມຕ້ອງການ ແລະ ຄວາມເອົາໃຈໃສ່ເຊິ່ງກັນແລະກັນ ກໍຄືສ້າງແຜນໃຫ້ບັນດາການເຄື່ອນໄຫວຮ່ວມມືໃນອະນາຄົດ. ທ່ານ Walter Lohman  ຜູ້ອຳນວຍການສູນຄົ້ນຄ້ວາ ອາຊີ ຂຶ້ນກັບ ກອງທຶນມໍລະດົກ (Heritage Foudation) ໃຫ້ຮູ້ວ່າ:
        “ຂ້າພະເຈົ້າຄິດວ່າ ນີ້ແມ່ນຈຸດເວລາສຳຄັນສຳລັບການພົວພັນ ຫວຽດນາມ - ອາເມລິກາ ຂະນະທີ່ການຢ້ຽມຢາມອາເມລິກາ ຂອງທ່ານນາຍົກລັດຖະມົນຕີ ຫວຽດນາມ ດຳເນີນໃນສະພາບປະເທດ ອາເມລິກາ ມີປະທານາທິບໍດີຄົນໃຫມ່. ສອງຝ່າຍ ພວມພະຍາຍາມຊອກຮູ້ຄວາມສົນໃຈຂອງແຕ່ລະປະເທດ. ສິ່ງສຳຄັນຫນຶ່ງອີກ ນັ້ນແມ່ນພວກຂ້າພະເຈົ້າໄດ້ຕ້ອນຮັບການນຳອາຊີຕາເວັນອອກສ່ຽງໃຕ້ ຜູ້ທຳອິດ ມາຢ້ຽມຢາມ ອາເມລິກາ ພາຍໃຕ້ອຳນາດການປົກຄອງໃຫມ່.”
      ບັນດາຜູ້ຊ່ຽວຊານອາເມລິກາ ມີຄວາມເຊື່ອໝັ້ນວ່າ ການຮ່ວມມືລະຫວ່າງສອງປະເທດ ຈະສືບຕໍ່ພັດທະນາຢ່າງແຮງໃນຊຸມປີຈະມາເຖິງ ແລະ ນັບແຕ່ນີ້ຮອດທ້າຍປີ ເມື່ອປະທານາທິບໍດີ ອາເມລິກາ ເຂົ້າຮ່ວມກອງປະຊຸມສຸດຍອດ APEC ຢູ່ ຫວຽດນາມ, ສອງປະເທດຈະບັນລຸໄດ້ບັນດາບັນຫາລະອຽດໃນການພົວພັນ ແລະ ຮ່ວມມືສອງຝ່າຍ.