ຟ້ອນຊາບແຂວງ ເຊີນລາ
(ພາບ: dantri.com.vn)
ບຸນເຕັດປີນີ້, ຫໍພິພິດຕະພັນຊົນເຜົ່າວິທະຍາຫວຽດນາມ ໄດ້ສົມທົບກັບພະແນກວັດທະນະທຳ, ກິລາ ແລະ ທ່ອງທ່ຽວແຂວງເຊີນລາ ໄດ້ຈັດຕັ້ງລາຍການຕ້ອນຮັບລະດູບານໃໝ່ປີລະກາ ໃນລະຫວ່າງວັນທີ 04 – 05/02 (ກົງກັບວັນທີ 08 – 09 ຂອງບຸນເຕັດ). ຈຸດພົ້ນເດັ່ນຂອງປີນີ້ແມ່ນສີສັນວັດທະນະທຳເຊີນລາ ດ້ວຍບັນດາການເຄື່ອນໄຫວຫຼາຍຢ່າງຄື: ຟ້ອນແຊ່ຈ໋າ, ຟ້ອນຊາບ, ຂັບກ້ຽວກັນຂອງຊາວເຜົ່າຜູ້ໄທ; ຮ້ອງເພງພື້ນເມືອງ… ຄຽງຂ້າງນັ້ນ, ອາຫານການກິນຂອງຊາວເຜົ່າຜູ້ໄທ ດ້ວຍບັນດາເຍື່ອງອາຫານທີ່ເປັນເອກະລັກສະເພາະຄື: ປາປິ້ງ, ຊີ້ນງົວ, ຊີ້ນໝູຢ້າງໄຟ… ຍາມໃດກໍ່ສ້າງຄວາມດູດດື່ມສຳລັບນັກທ່ອງທ່ຽວ ແລະ ເຮັດໃຫ້ບັນຍາກາດລະຫຼີ້ນໃນຍາມຕົ້ນປີໃໝ່ເພີ່ມສີສັນຕື່ມອີກຂອງເຂດໄຕບັ໋ກ (ໝາຍເຖິງເຂດຕາເວັນຕົກພາກເໜືອ). ໃນໂອກາດນີ້, ມວນຊົນກໍໄດ້ຮັບຊົມ ແລະ ເຂົ້າຮ່ວມການລະຫຼີ້ນພື້ນເມືອງຫຼາຍຢ່າງຂອງບັນດາເຜົ່າໃນເຂດໄຕບັ໋ກ ອີກດ້ວຍ.
(ແຫຼ່ງຄັດຈາກ VOV)
