14/08/2020 09:50 GMT+7 Email Print Like 0

ສະ​ພາບ​ການໂລກ​ລະ​ບາດ​ Covid – 19 ຢູ່​ຫວຽດ​ນາມ ແລະ ໂລກ

ຕາມຕົວເລກທີ່ໄດ້ອັບເດັດໃນເວັບໄຊ Worldometers ແລ້ວ, ໄລ່ຮອດເວລາ 1 ໂມງເຊົ້າຂອງວັນທີ 13 ສິງຫາ (ຕາມເວລາ UTC), ຍອດຈຳນວນຜູ້ຕິດເຊື້ອພະຍາດ Covid – 19 ໃນທົ່ວໂລກ ແມ່ນ 20.768.722 ຄົນ, ໃນນັ້ນມີ 751.227 ຄົນເສຍຊີວິດ.

ພາບປະກອບ: AP

ຈຳນວນຜູ້ຕິດເຊື້ອໄດ້ ການປິ່ນປົວຫາຍດີເປັນປົກກະຕິແມ່ນ 13.679.044 ຄົນ. ໂລກລະບາດໄດ້ກໍ່ຜົນສະທ້ອນເຖິງ 213 ປະເທດ ແລະ ເຂດແຄ້ວນໃນທົ່ວໂລກ.

        ລາຍຊື່ 5 ປະເທດຢູ່ແຖວໜ້າຕາຕະລາງສະຖິຕິໂລກລະບາດ Covid – 19 ລວມມີ: ອາເມລິກາ, ບຣາຊິນ, ອິນເດຍ, ລັດເຊຍ ແລະ ອາຟຼິກກາໃຕ້ ໃນນັ້ນອິນເດຍແມ່ນປະເທດມີຈຳນວນຜູ້ຕິດເຊື້ອໃນ 24 ຊົ່ວໂມງບັນລຸລະດັບສະຖິຕິ. ອັດຕາການຕິດເຊື້ອໃນທົ່ວໂລກບໍ່ມີສັນຍານຫຼຸດລົງ. ໃນໂລກ, ນັບທັງບັນດາປະເທດປະສົບຜົນສຳເລັດໃນໄລຍະທຳອິດ ປັດຈຸບັນກໍ່ພວມຮັບມືກັບການແຜ່ລະບາດຮອບທີ 2 ແລະ ທີ 3 . ໃນສະພາບການໂລກລະບາດພວມມີການຜັນແປຢ່າງສັບສົນນັ້ນ, ຫຼາຍປະເທດພວມແຂ່ງຂັນກັນຜະລິດວັກຊີນປ້ອງກັນ, ຕ້ານເຊື້ອພະຍາດ Covid – 19.

        ແລະໃນວັນດຽວກັນ,  ທ່ານ ຫງວຽນເຈື່ອງເຊີນ ຮອງລັດຖະມົນຕີກະຊວງສາທາລະນະສຸກຫວຽດນາມ, ຫົວໜ້າພາກສ່ວນປະຈຳພິເສດໃນການຕ້ານໂລກລະບາດ Covid – 19 ຂອງກະຊວງສາທາລະນະສຸກຢູ່ດ່ານັ້ງ ໄດ້ແຈ້ງໃຫ້ຊາບກ່ຽວກັບກໍລະນີເສຍຊີວິດຄົນທີ 19ວ່າ ແມ່ນ ຜູ້ຕິດເຊື້ອພະຍາດ Covid - 19 ຄົນທີ 485, ເພດຍິງ, ມີອາຍຸ 52 ປີ, ຢູ່ ດ່ານັ້ງ. ແລະ ໃນຂະນະນັ້ນ, ຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດ Covid – 19 ໃຫ້ຮູ້ວ່າ ຫວຽດນາມມີຜູ້ຕິດເຊື້ອພະຍາດ Covid – 19 ເພີ່ມອີກ 2 ຄົນ ຢູ່ແຂວງກ໋ວາງນາມ 1 ຄົນ ແລະ ຢູ່ແຂວງ ບາກລຽວ 1 ຄົນ, ທັງສອງໄດ້ຮັບການແຍກຕົວໃນທັນທີພາຍຫຼັງເຂົ້າເມືອງ.

        ດັ່ງນັ້ນ, ໄລ່ຮອດເວລາ 6 ໂມງຂອງວັນທີ 13 ສິງຫາ: ຫວຽດນາມມີຈຳນວນຜູ້ຕິດເຊື້ອພະຍາດ Covid – 19 ແມ່ນ 883 ຄົນ, ໃນນັ້ນປິ່ນປົວຫາຍດີ 409 ຄົນ, ເສຍຊີວິດ18 ຄົນ.

(ແຫຼ່ງຄັດຈາກ VOV)