14/06/2021 21:04 GMT+7 Email Print Like 0

ສະພາບການໂລກລະບາດໂຄວິດ - 19 ຢູ່ ຫວຽດນາມ ແລະ ໃນທົ່ວໂລກ

      ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງຂອງວັນທີ 14 ມິຖຸນາ (ຕາມເວລາ UTC), ທົ່ວໂລກຢັ້ງຢືນມີຜູ້ຕິດເຊື້ອພະຍາດໂຄວິດ - 19 ລວມທັງໝົດກວ່າ 176,7 ລ້ານຄົນ, ໃນນັ້ນ ມີ 3,81 ລ້ານຄົນ ເສຍຊີວິດ.
(ພາບ: TTXVN)
      ໃນຮອບເວລາ 24 ຊົ່ວໂມງຜ່ານມາ, ທົ່ວໂລກຢັ້ງຢືນມີຜູ້ຕິດເຊື້ອລາຍໃໝ່ຕື່ມອີກ 293.850 ຄົນ, ໃນນັ້ນ ຫຼາຍທີ່ສຸດແມ່ນຢູ່ ອິນເດຍ, ຖັດຈາກນັ້ນແມ່ນ ບຣາຊິນ, ໂກລົມເບຍ, ລັດເຊຍ, ອາກຊັງຕິນ, ອິນໂດເນເຊຍ… ແຕ່ປະເທດທີ່ມີຈຳນວນຜູ້ຕິດເຊື້ອ ແລະ ເສຍຊີວິດຫຼາຍທີ່ສຸດໃນໂລກ ຍັງຄົງ ແມ່ນ ອາເມລິກາ ດ້ວຍຈຳນວນຜູ້ຕິດເຊື້ອ 34.321.093 ຄົນ, ໃນນັ້ນ ມີ 615.053 ຄົນ ເສຍຊີວິດ.
        ສະເພາະຢູ່ ຫວຽດນາມ, ຕາມກະຊວງສາທາລະນະສຸກ ຫວຽດນາມ ແລ້ວ, ນັບແຕ່ເວລາ 6 ໂມງ ຫາເວລາ 12 ໂມງຂອງວັນທີ 14 ມິຖຸນາ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ລາຍໃໝ່ຕື່ມອີກ 100 ຄົນ, ດັ່ງນັ້ນມາຮອດປັດຈຸບັນ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 10.730 ຄົນ, ໃນນັ້ນມີຜູ້ໄດ້ຮັບການປິ່ນປົວຫາຍດີເປັນປົກກະຕິ 3998 ຄົນ ແລະ ມີຜູ້ເສຍຊີວິດ 59 ຄົນ.       
            ກ່ຽວຂ້ອງເຖິງໂລກລະບາດໂຄວິດ - 19 ຢູ່ ລາວ ມີຂ່າວວ່າ: ວັນທີ 14 ມິຖຸນາ, ກະຊວງສາທາລະນະສຸກ ລາວ ໃຫ້ຮູ້ວ່າ, ໃນຮອບເວລາ 24 ຊົ່ວໂມງທີ່ຜ່ານມາ, ລາວໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ໃໝ່ຕື່ມອີກ 14 ຄົນ ຢູ່ 4/18 ແຂວງ, ນະຄອນໃນທົ່ວປະເທດ. ມາຮອດປັດຈຸບັນ, ລາວມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 2010 ຄົນ, ໃນນັ້ນມີຜູ້ໄດ້ຮັບການປິ່ນປົວຫາຍດີເປັນປົກກະຕິ 1.880 ຄົນ, ຜູ້ເສຍຊີວິດ 3 ຄົນ.
(ແຫຼ່ງຄັດຈາກ VOV)