ຂ່າວສານ

ສະພາຕໍ່າ ອາເມລິກາ ປະກາດເອກະສານ 2 ສະບັບ ກ່ຽວກັບການພິຈາລະນາໂທດ ທ່ານປະທານາທິບໍດີ Donald Trump

12/12/2019

ວັນທີ 10 ທັນວາ, ບັນດາສະມາຊິກສະພາຕໍ່າ ພັກປະຊາທິປະໄຕ ທີ່ສະພາຕໍ່າ ອາເມລິກາ ໄດ້ຍົກອອກເອກະສານພິຈາລະນາໂທດ 2 ສະບັບ ແນໃສ່ທ່ານປະທານາທິບໍດີ Donald Trump, ໃນນັ້ນ ໄດ້ກ່າວຫາວ່າ ທ່ານ Donald Trump ໄດ້ສວຍໃຊ້ສິດອໍານາດ ແລະ ກີດຂວາງສະພາແຫ່ງຊາດ.

ທ່ານ Jerrold Nadler ປະທານກໍາມາທິການຍຸຕິທໍາ ສະພາຕໍ່າ ອາເມລິກາ (ພາບ: AP)

ທ່ານ Jerrold Nadler ປະທານກໍາມາທິການຍຸຕິທໍາ ສະພາຕໍ່າ ອາເມລິກາ ປະກາດບັນດາເອກະສານດັ່ງກ່າວ ແລະ ຢັ້ງຢືນວ່າ ບໍ່ມີໃຜ, ນັບທັງປະທານາທິບໍດີ ຢືນຢູ່ນອກເໜືອຈາກກົດໝາຍ. ໃນຂະນະນັ້ນ, ທ່ານປະທານສະພາຕໍ່າ ອາເມລິກາ Nancy Pelosi ຊີ້ແຈ້ງວ່າ ທ່ານ Donald Trump ໄດ້ກໍ່ຜົນຮ້າຍຕໍ່ພື້ນຖານປະຊາທິປະໄຕ ແລະ ຄວາມສະຫງົບຂອງປະເທດນີ້.

ການກະທໍາດັ່ງກ່າວຂອງພັກປະຊາທິປະໄຕ ຈະປະກອບສ່ວນ ຍູ້ແຮງການສົ່ງເສີມບັນດາການປ່ອນບັດຄັ້ງປະຫວັດສາດ ກ່ຽວກັບການກ່າວຫາທີ່ວ່າ ທ່ານ Donald Trump ກໍ່ຄວາມວຸ້ນວາຍຕໍ່ວິວັດທະນາການເລືອກຕັ້ງຂອງ ອາເມລິກາ ແລະ ກໍ່ຜົນຮ້າຍຕໍ່ຄວາມສະຫງົບຂອງປະເທດນີ້.
ຕໍ່ໜ້າການກະທໍາດັ່ງກ່າວ, ທ່ານ Donald Trump ຢັ້ງຢືນຄືນໃໝ່ວ່າ ທ່ານແມ່ນຜູ້ປະສົບເຄາະຮ້າຍຂອງແຜນການທີ່ບໍ່ດີດັ່ງກ່າວ.

(ແຫຼ່ງຄັດຈາກ VOV)

ສະຫາຍອເລຂາທິການໃຫຍ່ ໂຕເລີມ: ສຳນັກຂ່າວສານ ຫວຽດນາມ ສືບຕໍ່ຢືນຢັນບົດບາດເປັນອົງການຂ່າວສານຍຸດທະສາດ ແລະ ຄວາມໄວ້ເນື້ອເຊື່ອໃຈຂອງ ພັກ ແລະ ລັດ

14/09/2025
ຂ່າວສານ

ຕອນເຊົ້າວັນທີ 14 ກັນຍາ, ຢູ່ສູນສຳນັກຂ່າວແຫ່ງຊາດ, ເລກທີ 5 ຫຼີເຖື່ອງກຽດ, ຮ່າໂນ້ຍ, ສຳນັກຂ່າວສານຫວຽດນາມ (VNA) ໄດ້ຈັດພິທີມອບຫຼຽນໄຊ ໂຮ່ຈີມິນ (ເປັນຄັ້ງທີ 3) ແລະ ສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ (ວັນທີ 15 ກັນຍາ 1945 - ວັນທີ 15 ກັນຍາ 2025). ສະຫາຍເລຂາທິການໃຫຍ່ ໂຕເລີມ ໄດ້ເຂົ້າຮ່ວມ ແລະ ກ່າວຄຳເຫັນທີ່ພິທີ. ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິງຈິ໋ງ, ປະທານສະພາແຫ່ງຊາດ ເຈີ່ນແທງເໝີ໊ນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ໊ວັນຈ໋ຽນ ໄດ້ສົ່ງກະຕ່າດອກໄມ້ ແລະ ຈົດໝາຍອວຍພອນເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ.