10/02/2020 09:36 GMT+7 Email Print Like 0

ວິສາຫະກິດ ດ່າໜັງ ຜ່ານຜ່າຄວາມຫຍຸ້ງຍາກໃນສະພາບເຊື້ອ nCoV ລະບາດ

ເຊື້ອພະຍາດອັກເສບປອດເກີດຈາກເຊື້ອສາຍພັນໃໝ່ໄວຮັດໂຄໂຣນາ ໄດ້ສົ່ງຜົນສະທ້ອນຢ່າງໃຫຍ່ຫລວງຕໍ່ການຜະລິດ, ດຳເນີນທຸລະກິດຂອງປະຊາຄົມວິສາຫະກິດ ດ່າໜັງ, ເປັນຕົ້ນແມ່ນບັນດາວິສາຫະກິດສຳຜັດກັບຕະຫລາດ ຈີນ. 

ວິສາຫະກິດ ດ່າໜັງ ຜ່ານຜ່າຄວາມຫຍຸ້ງຍາກໃນສະພາບເຊື້ອ nCoV ລະບາດ

ຕັ້ງໜ້າຮ່ວມແຮງຮ່ວມໃຈປ້ອງກັນ, ຄວບຄຸມເຊື້ອພະຍາດ, ຮັກສາສຸຂະພາບຂອງຊາວຜູ້ອອກແຮງງານ, ບັນດາວິສາຫະກິດຢູ່ ດ່າໜັງ ໄດ້ເປັນເຈົ້າການໃນການຊອກຫາຕະຫລາດໃໝ່, ຜ່ານຜ່າຄວາມຫຍຸ້ງຍາກໃນປັດຈຸບັນ. ປັດຈຸບັນ, ຢູ່ນະຄອນ ດ່າໜັງ ມີວິສາຫະກິດທີ່ມີເງິນທຶນຈາກຕ່າງປະເທດ 130 ແຫ່ງພວມເຄື່ອນໄຫວໃນບັນດາເຂດອຸດສາຫະກຳ. ທ່ານ ຟ້າມເຈື່ອງເຊີນ, ຫົວໜ້າຄະນະຄຸ້ມຄອງເຂດເຕັກໂນໂລຊີສູງ ແລະ ບັນດາເຂດອຸດສາຫະກຳ ດ່າໜັງ ໃຫ້ຮູ້ວ່າ ສະພາບເຊື້ອພະຍາດໄດ້ສົ່ງຜົນສະທ້ອນເຖິງການຜະລິດດຳເນີນທຸລະກິດຂອງວິສາຫະກິດ. ຄະນະຄຸ້ມຄອງໄດ້ສຸມໃສ່ຜັນຂະຫຍາຍບັນດາການເຄື່ອນໄຫວສົ່ງເສີມການລົງທຶນ, ໜູນຊ່ວຍວິສາຫະກິດຊອກຫາຄູ່ຮ່ວມມື, ຕະຫລາດໃໝ່ ເພື່ອແທນໃຫ້ບັນດາຕະຫລາດຖືກຜົນສະທ້ອນຈາກເຊື້ອ nCoV. ທ່ານກ່າວວ່າ:

        “ພວກຂ້າພະເຈົ້າຈະສືບຕໍ່ຜັນຂະຫຍາຍໂຄງການສົ່ງເສີມການລົງທຶນ, ໜູນຊ່ວຍໃຫ້ບັນດາວິສາຫະກິດ, ສືບຕໍ່ລົງມືກໍ່ສ້າງໂຄງການໃໝ່. ພວກຂ້າພະເຈົ້າຈະສືບຕໍ່ເຮັດວຽກກັບບາງນັກລົງທຶນທີ່ມີຄວາມສາມາດບົ່ມຊ້ອນ, ສະເໜີໃຫ້ເຂົາເຈົ້າກ້າວໄປເຖິງການສ້າງຕັ້ງບັນດາຮາກຖານຜະລິດຢູ່ບັນດາເຂດອຸດສາຫະກຳ, ເຂດເຕັກໂນໂລຊີສູງ. ບັນດາວິສາຫະກິດກໍ່ມີວິທີການປ່ຽນແທນ ເພື່ອເຮັດແນວໃດຮັບປະກັນໄດ້ການເຄື່ອນໄຫວຜະລິດດຳເນີນທຸລະກິດ.

(ແຫຼ່ງຄັດຈາກ VOV)