ພົນລະເມືອງຫວຽດນາມ 30 ຄົນ ທີ່ກັບມາຈາກນະຄອນອູຫັ້ນ ປະເທດ ຈີນ ໄດ້ອອກໂຮງໝໍ ພາຍຫຼັງຖືກແຍກຕົວເປັນເວລາ 21 ວັນ
ໂຮງໝໍພະຍາດເຂດຮ້ອນສູນກາງ ໄດ້ປະກອບເອກະສານອອກໂຮງໝໍໃຫ້ແກ່ພົນລະເມືອງຫວຽດນາມ 30 ຄົນທີ່ໄດ້ກັບມາຈາກນະຄອນອູຫັ້ນ, ປະເທດຈີນ ເຊິ່ງເປັນບ່ອນເກີດໂລກພະຍາດ Covid – 19 ພາຍຫຼັງຖືກແຍກຕົວຢູ່ຕ່າງຫາກມາເປັນເວລາ 21 ວັນ.
ເຂດແຍກຕົວພິເສດ (ພາບປະກອບ: ສາທາລະນະສຸກ)
ຕອນບ່າຍວັນທີ 2 ມີນາ, ໂຮງໝໍພະຍາດເຂດຮ້ອນສູນກາງ ໄດ້ປະກອບເອກະສານອອກໂຮງໝໍໃຫ້ແກ່ພົນລະເມືອງຫວຽດນາມ 30 ຄົນທີ່ໄດ້ກັບມາຈາກນະຄອນອູຫັ້ນ, ປະເທດຈີນ ເຊິ່ງເປັນບ່ອນເກີດໂລກພະຍາດ Covid – 19 ພາຍຫຼັງຖືກແຍກຕົວຢູ່ຕ່າງຫາກມາເປັນເວລາ 21 ວັນ.
ກ່ຽວຂ້ອງເຖິງສະພາບການໂລກລະບາດ Covid – 19, ໄລ່ຮອດເວລາ 11 ໂມງ 30 ນາທີ ຂອງວັນທີ 2 ມີນາ, ໂລກໄດ້ຢັ້ງຢືນມີຜູ້ຕິດໂລກພະຍາດດັ່ງກ່າວລວມທັງໝົດແມ່ນ 89.068 ກໍລະນີ ຢູ່ 67 ປະເທດ ແລະ ເຂດແຄວ້ນ, ໃນນັ້ນ, ຈີນ ມີຜູ້ຕິດໂລກພະຍາດ Covid – 19 ລວມທັງໝົດ 80.026 ຄົນ. ຈໍານວນຜູ້ເສຍຊີວິດໃນທົ່ວໂລກ ຍ້ອນໂລກລະບາດດັ່ງກ່າວ ແມ່ນ 3.046 ຄົນ, ໃນນັ້ນ, ຈີນມີ 2.913 ຄົນ, ອີຣານມີ 54 ຄົນ ແລະ ສ.ເກົາຫຼີ ແມ່ນ 22 ຄົນ.
(ແຫຼ່ງຄັດຈາກ VOV)