ຂ່າວສານ

ພິທີປະກາດຜະລິດຕະພັນການແປນິພົນ ໂຮ່ຈີມິນ ຄົບຊຸດເຫຼັ້ມທີ 5 – 7 – 8 ຈາກພາສາ ຫວຽດ ເປັນ ພາສາ ລາວ

17/01/2019

ວັນທີ 15 ມັງກອນ, ທີ່ສະຖາບັນການເມືອງ - ການປົກຄອງແຫ່ງຊາດ ລາວ, ຢູ່ນະຄອນຫລວງ ວຽງຈັນ, ລາວ ໄດ້ດຳເນີນພິທີປະກາດຜະລິດຕະພັນການແປນິພົນ ໂຮ່ຈີມິນ ຄົບຊຸດເຫຼັ້ມທີ 5, 7, 8 ຈາກພາສາ ຫວຽດ ເປັນພາສາ ລາວ ຢ່າງເປັນທາງການ.

ໂຄງການ “ແປຜະລິດຕະພັນນິພົນ ໂຮ່ຈີມິນ ຄົບຊຸດຈາກພາສາ ຫວຽດ ເປັນພາສາ ລາວ” ເຊິ່ງພັກ ແລະ ລັດຖະບານ 2 ປະເທດ ຫວຽດນາມ - ລາວ ຕົກລົງປະຕິບັດໂດຍອີງໃສ່ສົນທິສັນຍາການຮ່ວມມືທາງດ້ານເສດຖະກິດ, ວັດທະນະທຳ, ວິທະຍາສາດ - ເຕັກນິກລະຫວ່າງລັດຖະບານ ລາວ - ຫວຽດນາມ ປີ 2014. ໂຄງການໂດຍສະຖາບັນການເມືອງແຫ່ງຊາດ ໂຮ່ຈີມິນ ແລະ ສະຖາບັນການເມືອງ - ການປົກຄອງແຫ່ງຊາດ ລາວ ສົມທົບກັນປະຕິບັດ.

ຜະລິດຕະພັນນິພົນ ໂຮ່ຈີມິນ ຄົບຊຸດ ແມ່ນຊຸດປື້ມທີ່ໂດດເດັ່ນ, ສ່ອງແສງເຖິງຄວາມປິຊາສາມາດ, ພູມປັນຍາຂອງປະທານ ໂຮ່ຈີມິນ, ເຊິ່ງສະແດງໃຫ້ເຫັນຄວາມຮັບຮູ້ອັນເລິກເຊິ່ງຂອງຜູ້ນຳຍິ່ງໃຫຍ່ ຫງວຽນອ໊າຍກວກ - ໂຮ່ຈີມິນ ໃນການໄປຊອກຫາເສັ້ນທາງກູ້ຊາດ, ສ້າງແນວທາງຍຸດທະສາດ, ລັດຖະນະໂຍບາຍຍຸດທະສາດຂອງການປະຕິວັດ ຫວຽດນາມ ເພື່ອຈັດຕັ້ງ, ນຳພາການປະຕິວັດ ຫວຽດນາມ ຈາກໄຊຊະນະນີ້ໄປສູ່ໄຊຊະນະອື່ນ.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.