ຕອບບ່າຍວັນທີ 13 ພຶດສະພາ, ຢູ່ຫໍສະພາແຫ່ງຊາດ, ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫ້ວ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດຈີນ ປະຈຳຫວຽດນາມ ຊຸງປົວ. ທີ່ການຕ້ອນຮັບ, ທ່ານປະທານສະພາແຫ່ງຊາດ ເວືອງດິ່ງເຫ້ວ ເຊື່ອໝັ້ນວ່າ, ພາຍໃຕ້ການຊີ້ນຳນຳພາຂອງພັກກອມມູນິດຈີນ ດ້ວຍແກ່ນສານແມ່ນທ່ານເລຂາທິການໃຫຍ່, ປະທານປະເທດຈີນ ສີຈີ້ນຜິງ, ປະເທດ ຈີນ ຈະຍາດໄດ້ຜົນງານອັນໃຫຍ່ຫຼວງຫຼາຍຢ່າງກວ່າອີກໃນພາລະກິດພັດທະນາປະເທດຊາດ. ທ່ານປະທານສະພາແຫ່ງຊາດ ສະເໜີໃຫ້ທ່ານເອກອັກຄະລັດຖະທູດ ຈີນ ຈົ່ງເປັນຂົວເຊື່ອມຕໍ່, ຊຸກຍູ້ການເພີ່ມທະວີການພົວພັນລະຫວ່າງ 2 ປະເທດ, ໂດຍສະເພາະແມ່ນໃນປີ 2021, ປີທຳອິດທີ່ທັງ 2 ປະເທດປະຕິບັດບັນດານະໂຍບາຍສຳຄັນ.
ທີ່ການຕ້ອນຮັບ, ທ່ານເອກອັກຄະລັດຖະທູດ ຈີນ ຊຸງປົວ ໃຫ້ຮູ້ວ່າ, ທ່ານປະທານສະພາແຫ່ງຊາດ ລີ໊ຈານຊູ ປາດຖະໜາວ່າ ຈະມີການໂອ້ລົມທາງໂທລະສັບກັບທ່ານປະທານສະພາແຫ່ງຊາດ ເວືອງດິ່ງເຫ້ວ ໂດຍໄວ, ກໍຄືຄວາມປາດຖະໜາຈາກຝ່າຍຫວຽດນາມ ເພື່ອປຶກສາຫາລືບັນດາການກຳນົດທິດ ແລະ ມາດຕະການແກ້ໄຂໃຫຍ່ເພື່ອຊຸກຍູ້ການພັດທະນາການຮ່ວມມືລະຫວ່າງ 2 ອົງການນິຕິບັນຍັດຂອງ 2 ປະເທດ, ກໍຄືປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຫວຽດນາມ - ຈີນ.
(ແຫຼ່ງຄັດຈາກ VOV)
