ຜູ້ອອກແຮງງານຫຼາຍກວ່າ 32 ລ້ານຄົນ ໄດ້ຮັບຜົນສະທ້ອນຫຍໍ້ທໍ້ ຈາກໂລກລະບາດໂຄວິດ - 19
ປີ 2020, ຫວຽດນາມມີຜູ້ອອກແຮງງານຫຼາຍກວ່າ 32 ລ້ານຄົນ ໄດ້ຮັບຜົນສະທ້ອນຫຍໍ້ທໍ້ຈາກໂລກລະບາດໂຄວິດ - 19. ໂລກລະບາດໂຄວິດ - 19 ໄດ້ເຮັດໃຫ້ຕະຫຼາດແຮງງານຕົກເຂົ້າສູ່ສະພາບຊຸດໂຊມຢ່າງແຮງ ດ້ວຍກຳລັງແຮງງານຫຼຸດລົງຫຼາຍ, ລາຍຮັບຂອງຜູ້ອອກແຮງງານກໍຫຼຸດລົງ.
ກອງປະຊຸມຖະແຫຼງຂ່າວ ກ່ຽວກັບສະພາບແຮງງານ - ວຽກເຮັດງານທຳ ໄຕມາດ 4 ແລະ ປີ 2020 (ພາບ: baotintuc.vn)
ນີ້ແມ່ນຂໍ້ມູນໂດຍຜູ້ຕາງໜ້າກົມໃຫຍ່ສະຖິຕິໃຫ້ຮູ້ທີ່ກອງປະຊຸມຖະແຫຼງຂ່າວ ກ່ຽວກັບສະພາບແຮງງານ - ວຽກເຮັດງານທຳ ໄຕມາດ 4 ແລະ ປີ 2020 ເຊິ່ງດໍາເນີນໃນວັນທີ 6 ມັງກອນ ຢູ່ຮ່າໂນ້ຍ. ທ່ານນາງ ຫວູທິທູຖຸ໋ຍ ຫົວໜ້າກົມເກັບກຳຂໍ້ມູນ ແລະ ນຳໃຊ້ເຕັກໂນໂລຢີຂໍ້ມູນຂ່າວສານສະຖິຕິ ໃຫ້ຮູ້ວ່າ:
“ນັບແຕ່ໄຕມາດ 3 ມານີ້, ສະພາບແຮງງານ, ວຽກເຮັດງານທຳໄດ້ຮັບການປັບປຸງໃຫ້ດີຂຶ້ນ, ພິເສດໃນໄຕມາດ 4 ແມ່ນຈະແຈ້ງກວ່າ. ເຖິງຢ່າງໃດກໍຕາມ, ໃນປັດຈຸບັນ, ສະພາບການຂອງໂລກລະບາດໃນໂລກ ຍັງສືບຕໍ່ແຜ່ລະບາດ. ລັດຖະບານ ໄດ້ມີຫຼາຍມາດຕະການເພື່ອຊຸກຍູ້ການເຕີບໂຕເສດຖະກິດ. ສະນັ້ນ, ໃນໄລຍະຜ່ານມາ, ພື້ນຖານເສດຖະກິດ ຈຶ່ງມີການພັດທະນາດີກວ່າ. ໃນຕໍ່ໜ້າ, ພວກເຮົາຫວັງວ່າ ນະໂຍບາຍ, ແຜນຍຸດທະສາດກ່ຽວກັບການປ້ອງກັນ, ສະກັດກັ້ນໂລກລະບາດ ພ້ອມກັບການພັດທະນາເສດຖະກິດ ຈະສືບຕໍ່ໄດ້ຮັບການເສີມຂະຫຍາຍຢ່າງມີປະສິດທິຜົນ”.
(ແຫຼ່ງຄັດຈາກ VOV)