ຂ່າວສານ

ຜູ້ວ່າການແຂວງ Kanagawa: ການຢ້ຽມຢາມ ຫວຽດນາມ ຂອງທ່ານນາຍົກລັດຖະມົນຕີ ຍີ່ປຸ່ນ Suga Yoshihide ຈະປະກອບສ່ວນເພີ່ມທະວີການຮ່ວມສຳພັນລະຫວ່າງສອງປະເທດ

16/10/2020

ຕອນບ່າຍວັນທີ 15 ຕຸລາ, ທ່ານ ຫວູຮົ່ງນາມ ເອກອັກຄະລັດຖະທູດ ຫວຽດນາມ ປະຈຳ ຍີ່ປຸ່ນ ແລະ ທ່ານ Yuji Kuroiwa ຜູ້ວ່າການແຂວງ Kanagawa, ໄດ້ເຂົ້າຢ້ຽມຂ່ຳນັບ ທ່ານ Suga Yoshihide ນາຍົກລັດຖະມົນຕີ ຍີ່ປຸ່ນ, ກ່ອນທີ່ຈະເດີນທາງມາຢ້ຽມຢາມ ຫວຽດນາມ ຢ່າງເປັນທາງການ.

ທ່ານ Yuji Kuroiwa ຜູ້ວ່າການແຂວງ Kanagawa (ພາບ: TTXVN)

ກ່າວຄຳເຫັນຕໍ່ບັນດານັກຂ່າວ ຢູ່ ໂຕກຽວ, ທ່ານ ຫວູຮົ່ງນາມໃຫ້ຮູ້ວ່າ ທີ່ການພົບປະ, ທ່ານໄດ້ລາຍງານຕໍ່ທ່ານນາຍົກລັດຖະມົນຕີ Suga Yoshihide ກ່ຽວກັບການພົວພັນລະຫວ່າງ ຫວຽດນາມ ກັບ ຍີ່ປຸ່ນ ເວົ້າລວມ ແລະ ແຂວງ Kanagawa ເວົ້າສະເພາະ, ກໍ່ຄືວຽກງານກະກຽມຂອງ ຫວຽດນາມ ໃຫ້ແກ່ການຢ້ຽມຢາມ. ທ່ານເອກອັກຄະລັດຖະທູດ ໄດ້ເນັ້ນໜັກວ່າ ປະຊາຊົນຫວຽດນາມ ສະແດງຄວາມຊົມເຊີຍ ຕໍ່ການຢ້ຽມຢາມຂອງທ່ານ ນາຍົກລັດຖະມົນຕີ ຍີ່ປຸ່ນ Suga Yoshihide,ພ້ອມທັງ ສະແດງຄວາມຫວັງວ່າ ການຢ້ຽມຢາມຄັ້ງນີ້ ຈະສ້າງຂີດໝາຍສຳຄັນໃນປະຫວັດສາດແຫ່ງການພົວພັນລະຫວ່າງ ສອງເທດ.
ສ່ວນທ່ານ Yuji Kuroiwa ໄດ້ແບ່ງປັນວ່າ ທ່ານ ນາຍົກລັດຖະມົນຕີ ຍີ່ປຸ່ນ Suga Yoshihide ກໍ່ສະແດງຄວາມເຊື່ອໝັ້ນວ່າ ການຢ້ຽມຢາມ ຫວຽດນາມ ຂອງທ່ານ ຈະແມ່ນການຢ້ຽມຢາມທີ່ມີລັກສະນະປະຫວັດສາດ, ປະກອບສ່ວນ “ເພີ່ມທະວີການຮ່ວມສຳພັນລະຫວ່າງ ຫວຽດນາມ ແລະ ຍີ່ປຸ່ນ ໃຫ້ຫຼາຍກ່ວາອີກ ໃນໄລຍະຈະມາເຖິງ”.

(ແຫຼ່ງຄັດຈາກ VOV)

ຫວຽດນາມ ແລະ ອີຢູ ຊຸກຍູ້ການຮ່ວມມືຢ່າງຮອບດ້ານ

26/11/2025
ຂ່າວສານ

ວັນທີ 24 ພະຈິກ, ຢູ່ສຳນັກງານອົງການພົວພັນຕ່າງປະເທດ ສະຫະພາບເອີຣົບ (EEAS) ຢູ່ ບຣຸກແຊັນ, ປະເທດ ແບນຊິກ, ທ່ານນາງ ເລທິທູຮັ່ງ ຮອງລັດຖະມົນຕີກະຊວງການຕ່າງປະເທດ ຫວຽດນາມ ແລະ ທ່ານນາງ Paola Pampaloni ຮັກສາການກົມໃຫຍ່ ອາຊີ - ປາຊີຟິກຂອງ EEAS ໄດ້ເປັນປະທານຮ່ວມວາລະປະຊຸມຄັ້ງທີ 6 ຄະນະກຳມະການປະສົມ ຫວຽດນາມ - ສະຫະພາບ ເອີຣົບ (EU) ແນໃສ່ຜັນຂະຫຍາຍສັນຍາຄູ່ຮ່ວມມື ແລະ ການຮ່ວມມືຮອບດ້ານ ຫວຽດນາມ - EU (PCA).