ທ່ານປະທານາທິບໍດີ ອາເມລິກາ Donald Trump (ພາບ: THX/TTXVN)
ກ່າວຄຳເຫັນທີ່ເຫດການ Turning Point USA ທີ່ພວມດຳເນີນຢູ່ລັດ Florida ໃນວັນທີ 21 ທັນວາ, ທ່ານປະທານາທິບໍດີ Trump ຊີ້ແຈ້ງວ່າ: ບັນດາເຈົ້າໜ້າທີ່ 2 ປະເທດຫາກໍ່ “ບັນລຸໄດ້ບາດກ້າວບຸກທະລຸ” ໃນຂໍ້ຕົກລົງການຄ້າ ແລະ ຈະລົງນາມໃນໄລຍະເວລາ “ໃກໆນີ້”.
ກ່ອນໜ້ານັ້ນ, ວັນທີ 19 ທັນວາ, ທ່ານລັດຖະມົນຕີກະຊວງການເງິນ ອາເມລິກາ Steven Mnuchin ຖະແຫຼງວ່າ: ອາເມລິກາ ແລະ ຈີນ ຈະລົງນາມໃນຂໍ້ຕົກລົງການຄ້າໄລຍະ 1 ໃນຕົ້ນເດືອນ ມັງກອນ 2020.ຂໍ້ຕົກລົງໄລຍະ 1 ໄດ້ຮັບການເຫັນດີຈາກວົງການເຈົ້າໜ້າທີ່ 2 ປະເທດໃນວັນທີ 15 ທັນວາ ຜ່ານມາ, ຕາມນັ້ນແລ້ວ ຈະຊ່ວຍໃຫ້ສິນຄ້າຂອງ ຈີນ ໄປຍັງ ອາເມລິກາ ຫຼີກລ້ຽງໄດ້ການເກັບພາສີໃໝ່. ກົງກັນຂ້າມ, ຈີນ ກໍ່ຕັດສິນໃຈຍົກເລີກແຜນການຈັດວາງອັດຕາພາສີສຳລັບສິນຄ້ານຳເຂົ້າຈາກ ອາເມລິກາ ຄາດວ່າຂໍ້ຕົກລົງຈະມີຜົນສັກສິດນັບແຕ່ວັນທີ 15 ທັນວາ, ພ້ອມທັງເພີ່ມທະວີການນຳເຂົ້າເຂົ້າບະເລ ແລະ ສາລີຂອງ ອາເມລິກາ.
(ແຫຼ່ງຄັດຈາກ VOV)
