22/06/2021 10:03 GMT+7 Email Print Like 0

ປະທານປະເທດເຂົ້າຮ່ວມກອງປະຊຸມສະຫຼຸບວຽກງານ 6 ເດືອນຕົ້ນປີແລະຜັນຂະຫຍາຍວຽກງານ 6 ເດືອນທ້າຍປີ 2021 ຂອງກຳລັງຕຳຫຼວດປະຊາຊົນ

      ທ່ານປະທານປະເທດ ຫງວຽນຊວັນຟຸກ ສະເໜີໃຫ້ກະຊວງຕຳຫຼວດ ຈົ່ງສືບຕໍ່ຍົກສູງກຳລັງຄວາມສາມາດ, ບົດບາດນຳພາວຽກງານຂອງຕຳຫຼວດຢ່າງຮອບດ້ານ
ທ່ານປະທານປະເທດ ຫງວຽນຊວັນຟຸກ ກ່າວຄຳເຫັນທີ່ກອງປະຊຸມ
(ພາບ: cand.com.vn)
      ກຳລັງຕຳຫຼວດປະຊາຊົນ ຍາມໃດກໍ່ຍົກສູງຈິດໃຈຮັບໃຊ້ປະຊາຊົນ, ຮັກສາຄວາມສະຫງົບສຸກໃຫ້ແກ່ປະຊາຊົນ, ຖືນີ້ແມ່ນໜ້າທີ່ແຖວໜ້າ, ສຸມໃສ່ຊາບຊຶມປະຕິບັດ ເພື່ອກໍ່ສ້າງ, ປັບປຸງຄວາມໄວ້ເນື້ອເຊື່ອໃຈຂອງປະຊາຊົນທີ່ມີຕໍ່ກຳລັງຕຳຫຼວດປະຊາຊົນຢ່າງບໍ່ຢຸດຢັ້ງ. ນີ້ແມ່ນຄຳຢືນຢັນຂອງທ່ານປະທານປະເທດຫວຽດນາມ ຫງວຽນຊວັນຟຸກ ທີ່ກອງປະຊຸມສະຫຼຸບວຽກງານຕຳຫຼວດໃນ 6 ເດືອນຜ່ານມາ ແລະ ຜັນຂະຫຍາຍໜ້າທີ່ໃນ 6 ເດືອນທ້າຍປີຂອງກຳລັງຕຳຫຼວດປະຊາຊົນ, ເຊິ່ງຈັດຂຶ້ນໃນຕອນເຊົ້າວັນທີ 21 ມິຖຸນາ, ຢູ່ຮ່າໂນ້ຍ.
        ທ່ານປະທານປະເທດ ຫງວຽນຊວັນຟຸກ ສະເໜີໃຫ້ກະຊວງຕຳຫຼວດ ຈົ່ງສືບຕໍ່ຍົກສູງກຳລັງຄວາມສາມາດ, ບົດບາດນຳພາວຽກງານຂອງຕຳຫຼວດຢ່າງຮອບດ້ານ, ໃນນັ້ນສືບຕໍ່ຊາບຊຶມມະຕິກອງປະຊຸມໃຫຍ່ຄັ້ງທີ 13 ຂອງພັກຢ່າງເຂັ້ມງວດ.
        “ສືບຕໍ່ເພີ່ມທະວີບັນດາມາດຕະການແກ້ໄຂ, ໜ້າທີ່ຈຸດສຸມໃນການປ້ອງກັນ, ຕໍ່ສູ້ປາບປາມອາດຊະຍາກຳເພື່ອຮັບປະກັນຄວາມເປັນລະບຽບຮຽບຮ້ອຍທາງສັງຄົມ. ໃນນັ້ນຈັດຕັ້ງການປຸກໂຈມຕີ, ປາບປາມອາດຊະຍາກຳທີ່ມີການຈັດຕັ້ງ, ອາດຊະຍາກຳເສດຖະກິດ, ການສໍ້ກົງການຄ້າ. ເພີ່ມທະວີການຮ່ວມມືສາກົນ ເພື່ອຕໍ່ສູ້ກັບບັນດາອາດຊະຍາກຳດັ່ງກ່າວຢ່າງມີປະສິດທິຜົນ. ພ້ອມກັນນັ້ນ, ເປັນເຈົ້າການສັງເກດ, ຕໍ່ສູ້ກັບບັນດາວິທີການ, ເລ່ລ່ຽມຂອງອາດຊະຍາກຳນຳໃຊ້ເຕັກໂນໂລຊີສູງຢ່າງມີປະສິດທິຜົນ”.
(ແຫຼ່ງຄັດຈາກ VOV)