16/08/2021 10:27 GMT+7 Email Print Like 0

ປະຕິບັດການແຍກຫ່າງສັງຄົມຕື່ມອີກ 1 ເດືອນ, ນະຄອນ ໂຮ່ຈີມິນ ລະດົມກຳລັງແຮງທົ່ວປວງຊົນທັງຊາດປ້ອງກັນ, ຕ້ານໂລກລະບາດ

      ຕອນເຊົ້າວັນທີ 15 ສິງຫາ, ນະຄອນ ໂຮ່ຈີມິນ ໄດ້ຈັດຕັ້ງພິທີ “ປຸກລະດົມກຳລັງແຮງທົ່ວປວງຊົນທັງຊາດປ້ອງກັນ, ຕ້ານໂລກລະບາດໂຄວິດ - 19 ແລະ ເປີດຕົວສູນຮັບ ແລະ ໜູນຊ່ວຍສິນຄ້າຈຳເປັນຮັບໃຊ້ປະຊາຊົນຜູ້ປະສົບກັບຄວາມຫຍຸ້ງຍາກຍ້ອນໂລກລະບາດໂຄວິດ - 19.
ພິທີເປີດຕົວສູນຮັບ ແລະ ໜູນຊ່ວຍສິນຄ້າຈຳເປັນຮັບໃຊ້ປະຊາຊົນຜູ້ປະສົບກັບຄວາມຫຍຸ້ງຍາກຍ້ອນໂລກລະບາດໂຄວິດ - 19 (ພາບ:VOV)
      ກ່າວຄຳເຫັນທີ່ພິທີ, ທ່ານຮອງເລຂາຜູ້ປະຈຳການຄະນະພັກນະຄອນ ໂຮ່ຈີມິນ ຟານວັນມາຍ ໃຫ້ຮູ້ວ່າ: ໃນໄລຍະເວລາ 80 ວັນທີ່ນະຄອນ ໂຮ່ຈີມິນ ກວດພົບການແຜ່ລະບາດໂລກລະບາດໃນຊຸມຊົນ, ທັງລະບົບການເມືອງ ແລະ ປະຊາຊົນນະຄອນ ໄດ້ຮ່ວມແຮງຮ່ວມໃຈ, ອົງອາດກ້າແກ່ນຕໍ່ສູ້. ໃນຕະຫຼອດໄລຍະປະຕິບັດການແຍກຫ່າງສັງຄົມ, ໂດຍສະເພາະແມ່ນໃນ 5 ອາທິດທີ່ເພີ່ມທະວີບັນດາມາດຕະການປ້ອງກັນຕາມຄຳສັ່ງເລກທີ 16 ຂອງນາຍົກລັດຖະມົນຕີ ແມ່ນຊຸມວັນທີ່ຫຍຸ້ງຍາກລຳບາກສຳລັບລະບົບການເມືອງ ແລະ ປະຊາຊົນນະຄອນ. ໃນໄລຍະຈະມາເຖິງ, ນະຄອນ ໂຮ່ຈີມິນ ຈະແກ່ຍາວການແຍກຫ່າງສັງຄົມຕື່ມອີກ 1 ເດືອນ ເພື່ອສຸມໃສ່ຄວບຄຸມແຫຼ່ງແຜ່ເຊື້ອ, ນຳນະຄອນກັບຄືນສູ່ສະພາບປົກກະຕິໃໝ່ເທື່ອລະກ້າວ.
        ເນື່ອງໃນໂອກາດນີ້, ມີຫຼາຍວິສາຫະກິດ, ອົງການຈັດຕັ້ງຕ່າງ ໄດ້ໃຫ້ການຊ່ວຍເຫຼືອສິນຄ້າ, ເຄື່ອງບັນເທົ່າທຸກທີ່ຈຳເປັນເປັນຈຳນວນຫຼວງຫຼາຍ ລວມມູນຄ່ານັບຮ້ອຍຕື້ດົ່ງ.
(ແຫຼ່ງຄັດຈາກ VOV)