ສຸສານປະທານໂຮ່ຈີມິນ
ວັນທີ 30 ເມສາ, ຢູ່ນະຄອນຫຼວງ ຮ່າໂນ້ຍ, ເຂດສຸສານປະທານໂຮ່ຈີມິນ, ຫໍພິພິທະພັນ ໂຮ່ຈີມິນ ແລະ ເຂດເຮືອນລ່າງປະທານໂຮ່ຈີມິນ ໄດ້ກາຍເປັນສະຖານທີ່ດຶງດູດແຂກທ່ອງທ່ຽວມາຢ້ຽມຊົມໃນໂອກາດວັນປົດປ່ອຍພາກໃຕ້ ຫວຽດນາມ ຢ່າງສົມບູນ, ທ້ອນໂຮມປະເທດຊາດເປັນເອກະພາບ (30/04/1975 – 30/04/2018). ບໍ່ພຽງແຕ່ມີປະຊາຊົນນະຄອນຫຼວງຮ່າໂນ້ຍ ເທ່ົ່ານັ້ນ ຫາກຍັງປະຊາຊົນທຸກຊັ້ນວັນນະໃນທຸກແຖບຖິ່ນຂອງປະເທດຊາດ ກໍ່ໄດ້ມາຢ້ຽມຢາມສະຖານທີ່ແຫ່ງນີ້ເພື່ອສະແດງຄວາມເຄົາລົບນັບຖື, ຮູ້ບູນຄູນຕໍ່ປະທານໂຮ່ຈີມິນ ອີກດ້ວຍ. ປ້າ ຫງວຽນທິຫາຍ, ຢູ່ແຂວງ ຟູ໋ເທາະ, ໃຫ້ຮູ້ວ່າ:
“ຂ້າພະເຈົ້າເຄົາລົບຜູ້ນຳຂອງປະເທດ ຫວຽດນາມ ທີ່ສຸດ, ເຊິ່ງເປັນຜູ້ໄດ້ຮັບຄວາມເຄົາລົບນັບຖືຈາກທົ່ວໂລກ. ມື້ນີ້ແມ່ນວັນພັກ, ຂ້າພະເຈົ້າຈຶ່ງມີເວລາໄປທ່ຽວ ແລະ ສະຖານທີ່ແຫ່ງທຳອິດໃນແຜນການໄປທ່ຽວຂອງຂ້າພະເຈົ້າແມ່ນເຂົ້າຂ່ຳນັບສຸສານປະທານໂຮ່ຈີມິນ.”ແລະ ກໍ່ໃນວັນນີ້, ມີແຂກທ່ອງທ່ຽບນັບພັນໆເທື່ອຄົນໄດ້ມາຢ້ຽມຢາມຫໍພິພິທະພັນ ໂຮ່ຈີມິນ, ເຊິ່ງແມ່ນບ່ອນທີ່ໄດ້ວາງສະແດງບັນດາເອກະສານ, ວັດຖຸພັນ, ຮູບພາບກ່ຽວກັບຊີວິດ, ພາລະກິດແຫ່ງການປະຕິວັດຂອງປະທານໂຮ່ຈີມິນ ແລະ ປະຊາຊົນ ຫວຽດນາມ ປະຕິບັດບົດພິໄນກຳຂອງເພີ່ນ.
(ແຫຼ່ງຄັດຈາກ VOV)
