07/02/2021 15:10 GMT+7 Email Print Like 0

ບັນດາທ້ອງຖິ່ນ, ຫົວໜ່ວຍເບິ່ງແຍງບັນດາຄອບຄົວນະໂຍບາຍ, ພໍ່ແມ່ພີ່ນ້ອງຊົນເຜົ່າ ແລະ ບັນດາຄອບຄົວທີ່ປະສົບກັບຄວາມຫຍຸ້ງຍາກໃນໂອກາດບຸນເຕັດ

      ວັນທີ 5 ກຸມພາ, ສຳນັກງານຜູ້ຕາງໜ້າ ວິທະຍຸກະຈາຍສຽງຫວຽດນາມ ປະຈຳ ເຂດພາກກາງ (VOV ພາກກາງ) ໄດ້ສົມທົບກັບຫ້ອງການຜູ້ຕາງໜ້າທະນາຄານການຄ້າ ຫຸ້ນສ່ວນການລົງທຶນ ແລະ ພັດທະນາ ຫວຽດນາມ (BIDV) ປະຈຳນະຄອນ ດ່ານັງ ໄດ້ມອບຂອງຂວັນ 250 ພູດໃຫ້ແກ່ພໍ່ແມ່ພີ່ນ້ອງເຜົ່າເກີຕູ ຢູ່ ເມືອງ ດົງຢາງ ແລະ ນາມຢາງ, ແຂວງກ໋ວາງນາມ.
ຜູ້ຕາງໜ້າ ການນຳ VOV ພາກກາງ ແລະ ຫ້ອງວ່າການຕາງໜ້າ BIDV ປະຈຳ ດ່ານັ້ງ ມອບຂອງຂວັນໃຫ້ແກ່ພໍ່ແມ່ປະຊາຊົນ
      ເຫດຝົກຕົກພາຍຸ, ດິນເຊາະເຈື່ອນ ທີ່ເກີດຂຶ້ນໃນປີ 2021 ໄດ້ກໍ່ຄວາມເສຍຫາຍຢ່າງໜັກໜ່ວງໃຫ້ແກ່ປະຊາຊົນບັນດາເມືອງຢູ່ເຂດພູດອຍແຂວງກ໋ວາງນາມ. ການຮ່ວມແຮງຮ່ວມໃຈແບ່ງປັນຄວາມຫຍຸ້ງຍາກຂອງພໍ່ແມ່ປະຊາຊົນໃນທົ່ວປະເທດໄດ້ຊ່ວຍໃຫ້ປະຊາຊົນສ້າງຊີວິດການເປັນຢູ່ເປັນປົກກະຕິໂດຍໄວ.
            ເນື່ອງໃນໂອກາດບຸນເຕັດຫວຽດນາມ, ຄະນະກຳມະການແນວໂຮມປະເທດຊາດ ນະຄອນໂຮ່ຈີມິນ ໄດ້ມອບເຮືອນແຫ່ງຄວາມຮັກແພງ 6 ຫຼັງ ໃຫ້ແກ່ບັນດາຄອບຄົວທຸກຍາກ ໃນບໍລິເວນເມື່ອວັນທີ 5 ກຸມພາອັນໄດ້ ນຳຄວາມເບິກບານມ່ວນຊື່ນມາໃຫ້ບັນດາຄອບຄົວໃນ ຍາມບຸນເຕັດປີສະຫຼຸທີ່ໃກ້ຈະວຽນມາແລ້ວ.
            ວັນທີ 5 ກຸມພາ, ປ້ອມທະຫານປ້ອງກັນຊາຍແດນ ຫ໋າຍເວິນ (ເມືອງ ລຽນຈ໋ຽວ, ນະຄອນດ່ານັ້ງ) ໄດ້ສົມທົບກັບສະຫະພັນແມ່ຍິງເມືອງ ລຽນຈ໋ຽວ ຈັດຕັ້ງ “ວັນບຸນຫໍ່ເຂົ້າຕົ້ມ ແລະ ລະດູບາມໃໝ່ແຫ່ງຄວາມອົບອຸ່ນຢູ່ເຂດຊາຍແດນ”. ນີ້ແມ່ນໂອກາດເພື່ອຮັດແໜ້ນນ້ຳໃຈຄວາມຮັກແພງລະຫວ່າງ ທະຫານ ແລະ ປະຊາຊົນ, ອັນໄດ້ນຳບຸນເຕັດປີສະຫຼູ 2021 ຄວາມຮັກແພງມາ ໃຫ້ບັນດານັກຮົບເຂດຊາຍແດນ ແລະ ບັນດາຄອບຄົວປະສົມກັບຄວາມຫຍຸ້ງຍາກ.
            ແລະກໍ່ໃນຕອນບ່າຍວັນທ 5 ກຸມພາ, ຢູ່ເດີນຫໍພີພີທະພັນ ໂຮ້ນອານ, ແຂວງກ໋ວາງນາມໄດ້ຈັດໃຫ້ມີ “ງານຕະຫຼາດນັດດັ້ງເດີນ ບໍ່ເສຍຄ່າ” ໂດຍກຸ່ມນັກອາສາສະໝັກເຄື່ອນໄຫວເພື່ອການກຸສົນ ສົດໃສ ແລະ ສະຫະພັນລົດທ່ອງທ່ຽວນະຄອນ ໂຮ້ຍອານ ຈັດຕັ້ງ. ງານຕະຫຼາດນັ້ນໄດ້ດຳເນີນໃນລະຫວ່າງ ວັນທີ 24 – 25 ເດືອນ 12 ໄລ່ຕາມຈັນທະປະຕິທິນ, ໂດຍມີຂອງຂວັນ 1000 ພູດ ທີ່ໄດ້ມອບໃຫ້ບັນດາຄອບຄົວປະສົບກັບຄວາມຫຍຸ້ງຍາກຍ້ອນຜົນສະທົບຈາກໂລກລະບາດໂຄວິດ - 19 ແລະ ໄພທຳມະຊາດ, ພາຍຸນ້ຳຖ້ວມໃນປີ 2020 ທີຜ່ານມາ.
(ແຫຼ່ງຄັດຈາກ VOV)