ນາຍົກລັດຖະມົນຕີຍ້ອງຍໍຊົມເຊີຍກະຊວງປ້ອງກັນປະເທດທີ່ໄດ້ໜູນຊ່ວຍແຂວງບັກນິງ, ບັກຢາງ ໃນການປ້ອງກັນ, ຕ້ານໂລກລະບາດ
ທ່ານນາຍົກລັດຖະມົນຕີຫວຽດນາມ ຟ້າມມິນຈິງ ໄດ້ຮັບຮູ້ ແລະ ຍ້ອງຍໍຊົມເຊີຍກະຊວງປ້ອງກັນປະເທດທີ່ໄດ້ໜູນຊ່ວຍແຫຼ່ງກຳລັງ, ແຫຼ່ງຊັບພະຍາກອນມະນຸດ, ພາຫະນະ, ອຸປະກອນ, ໜູນຊ່ວຍການວິໄຈ
ໂຮງໝໍພາກສະໜາມຢູ່ນະຄອນ ບັກຢາງ
(ພາບ: TTXVN)
ຕາມແຫຼ່ງຂ່າວຈາກສຳນັກຂ່າວສານຫວຽດນາມ ແລ້ວ, ວັນທີ 28 ພຶດສະພາ, ທ່ານນາຍົກລັດຖະມົນຕີຫວຽດນາມ ຟ້າມມິນຈິງ ໄດ້ຮັບຮູ້ ແລະ ຍ້ອງຍໍຊົມເຊີຍກະຊວງປ້ອງກັນປະເທດທີ່ໄດ້ໜູນຊ່ວຍແຫຼ່ງກຳລັງ, ແຫຼ່ງຊັບພະຍາກອນມະນຸດ, ພາຫະນະ, ອຸປະກອນ, ໜູນຊ່ວຍການວິໄຈ, ຜັນຂະຫຍາຍໂຮງໝໍພາກສະໜາມ ຢ່າງຕັ້ງໜ້າ, ທັນການ ຊ່ວຍໃຫ້ 2 ແຂວງ ບັກຢາງ, ບັກນິງ ຄວບຄຸມໂລກລະບາດ ແລະ ພັດທະນາເສດຖະກິດ-ສັງຄົມ, ຮັບປະກັນຊີວິດການເປັນຢູ່ຂອງປະຊາຊົນໃຫ້ເປັນປົກກະຕິໂດຍໄວ.
ກ່ອນໜ້ານັ້ນ, ໃນຕອນເຊົ້າວັນທີ 19 ພຶດສະພາ, ກະຊວງປ້ອງກັນປະເທດໄດ້ຜັນຂະຫຍາຍການສ້າງຕັ້ງໂຮງໝໍພາກສະໜາມໂດຍດ່ວນຢູ່ນະຄອນ ບັກນິງ, ແຂວງ ບັກນິງ ແລະ ເມືອງ ເຕີນອຽນ, ແຂວງ ບັກຢາງ. ໂຮງໝໍພາກສະໜາມມີແພດໝໍ 100 ຄົນ ແລະ ມີຕຽງນອນ 300 ຕຽງ, ສາມາດເພີ່ມຈຳນວນຕຽງນອນຂຶ້ນເປັນ 500 ຕຽງໄດ້.
(ແຫຼ່ງຄັດຈາກ VOV)