ຂ່າວສານ
ນາຍົກລັດຖະມົນຕີຫງວຽນຊວັນຟຸກເຊັນຂໍ້ຕົກລົງປະກາດເຊື້ອພະຍາດປອດອັກເສບທີ່ເກີດຈາກເຊື້ອຈຸລະໂລກສາຍພັນໃໝ່
ນາຍົກລັດຖະມົນຕີ ຫງວຽນຊວັນຟຸກ
(ພາບ: VGP)
ຂໍ້ຕົກລົງຊີ້ແຈ້ງວ່າ: ປະກາດເຊື້ອພະຍາດຕິດແປດຢູ່ຫວຽດນາມ. ຊື່ພະຍາດ: ເຊື້ອພະຍາດປອດອັກເສບທີ່ເກີດຈາກເຊື້ອຈຸລະໂລກສາຍພັນໃໝ່. ເວລາເກີດພະຍາດ: ນັບແຕ່ວັນທີ 23 ມັງກອນ 2020 (ເຊິ່ງແມ່ນຈຸດເວລາກວດພົບກໍລະນີຕິດເຊື້ອພະຍາດປອດອັກເສບທີ່ເກີດຈາກເຊື້ອຈຸລະໂລກສາຍພັນໃໝ່). ສະຖານທີ່ ແລະ ຂອບເຂດເກີດພະຍາດ: ແຂວງ ແຄ໊ງຮ່ວາ, ວິ້ງຟູກ, ແທັງຮ໊ວາ (ມີ 6 ກໍລະນີຕິດເຊື້ອພະຍາດດັ່ງກ່າວ). ສາຍເຫດ: ຍ້ອນເຊື້ອພະຍາດປອດອັກເສບທີ່ເກີດຈາກເຊື້ອຈຸລະໂລກສາຍພັນໃໝ່. ລັກສະນະ, ລະດັບອັນຕະລາຍຂອງພະຍາດ: ເຊື້ອພະຍາດຕິດແປດກຸ່ມ A, ຈັດຢູ່ສະພາບສະພາວະສຸກຮີບດ່ວນທົ່ວໂລກ. ສາຍເຫດຕິດເຊື້ອພະຍາດ: ແຜ່ລະບາດທາງຫາຍໃຈຈາກຄົນສູ່ຄົນ.
ບັນດາມາດຕະການປ້ອງກັນ, ຕ້ານເຊື້ອພະຍາດ: ປະຕິບັດຕາມກົດໝາຍວ່າດ້ວຍການປ້ອງກັນ, ຕ້ານເຊື້ອພະຍາດຕິດແປດ, ລວມມີ: ສ້າງຕັ້ງຄະນະຊີ້ນຳແຫ່ງຊາດກ່ຽວກັບການປ້ອງກັນ, ຕ້ານເຊື້ອພະຍາດ; ແຈ້ງ, ລາຍງານເຊື້ອພະຍາດ; ຈັດຕັ້ງພະຍາບານສຸກເສີນ, ກວດ ແລະ ປິ່ນປົວພະຍາດ; ຈັດຕັ້ງການແຍກຕົວອອກ; ອະນາໄມ, ຂ້າເຊື້ອເຂດມີພະຍາດ; ບັນດາມາດຕະການປ້ອງກັນສ່ວນຕົວ; ຄວບຄຸມການເຂົ້າອອກເຂດມີພະຍາດ…ບັນດາຫາກຖານກວດ, ປິ່ນປົວພະຍາດປະຕິບັດການຮັບ, ແຍກຕົວ, ຕິດຕາມ, ປິ່ນປົວຜູ້ຖືກຕິດເຊື້ອພະຍາດ: ໂຮງໝໍຂັ້ນແຂວງ, ສູນກາງ, ໂຮງໝໍໃນຂະແໜງຕຳຫຼວດ, ກອງທັບ ແລະ ບັນດາໂຮງໝໍອື່ນໆທີ່ມີເງື່ອນໄຂ. ໂຮງໝໍກາງສະໜາມ (ເມື່ອໄດ້ປຸກລະດົມ).
ທ່ານນາຍົກລັດຖະມົນຕີ ໄດ້ຮຽກຮ້ອງໃຫ້ບັນດາກະຊວງ, ອົງການທຽບເທົ່າກະຊວງ, ອົງການຂຶ້ນກັບລັດຖະບານ, ຄະນະກຳມະການປະຊາຊົນແຂວງ, ນະຄອນຂຶ້ນກັບສູນກາງ, ບັນດາຮາກຖານສາທາລະນະສຸກ, ອົງການຈັດຕັ້ງ, ສ່ວນບຸກຄົນຜັນຂະຫຍາຍການປະຕິບັດບັນດາຄຳສັ່ງຂອງຄະນະເລຂາສູນກາງພັກ; ການຊີ້ນຳຂອງນາຍົກລັດຖະມົນຕີ; ການຊີ້ນຳຂອງກະຊວງສາທາລະນະສຸກ ແລະ ບັນດາຂໍ້ກຳນົດດ້ານກົດໝາຍທີ່ກ່ຽວຂ້ອງ.
(ແຫຼ່ງຄັດຈາກ VOV)
