ຂ່າວສານ

ນາຍົກລັດຖະມົນຕີ ຫງວຽນຊວນຟຸກ ຢ້ຽມຊົມງານວາງສະແດງ “ແທງຮ໊ວາ ເມື່ອກ່ອນນີ້ ແລະ ປັດຈຸບັນ”

09/05/2019

ເນື່ອງໃນໂອກາດເຂົ້າຮ່ວມພິທີສະເຫຼີມສະຫຼອງ 990 ປີແຫ່ງວັນຄົບຮອບຂອງ ແທງຮ໊ວາ (1029 - 2019), ຕອນເຊົ້າວັນທີ 08 ພຶດສະພາ, ທີ່ນະຄອນ ແທງຮ໊ວາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ມາຢ້ຽມຊົມງານວາງສະແດງ “ແທງຮ໊ວາ ເມື່ອກ່ອນນີ້ ແລະ ປັດຈຸບັນ”, ຊຶ່ງໄດ້ຈັດຕັ້ງແຕ່ວັນທີ 05 – 09 ພຶດສະພາ 2019.

ນີ້ແມ່ນງານວາງສະແດງທີ່ມີຂອບຂະໜາດໃຫຍ່ສຸດນັບແຕ່ກ່ອນມາຮອດປັດຈຸບັນຂອງແຂວງ, ນອນໃນບັນດາເຫດການສະເຫຼີມສະຫຼອງ 990 ປີແຫ່ງວັນຄົບຮອບຂອງ ແທງຮ໊ວາ, ແນໃສ່ແນະນຳ, ໂຄສະນາຄວາມງາມຂອງເຂດດິນແດນ ແລະ ປະຊາຊົນ ແທງຮ໊ວາ, ບັນດາຄວາມສາມາດບົ່ມຊ້ອນ, ທ່າແຮງກ່ຽວກັບການພັດທະນາເສດຖະກິດ, ການທ່ອງທ່ຽວ.

ດ້ວຍຮູບພາບ, ເອກະສານ, ວັດຖຸພັນຜ່ານໄລຍະຕ່າງໆເກືອບ 10.000 ຢ່າງໄດ້ນຳມາວາງສະແດງ, ງານວາງສະແດງໃຫ້ຊ່ວຍໃຫ້ປະຊາຊົນ, ແຂກທ່ອງທ່ຽວມີຄວາມເຂົ້າໃຈກ່ຽວກັບເຂດດິນແດນ, ປະຊາຊົນ ແທງຮ໊ວາ ຫລາຍກ່ວາ ໃນວິວັດທະນາການປະຫວັດສາດແຫ່ງການສ້າງສາ, ປົກປັກຮັກສາປະເທດຊາດຂອງປະຊາຊົນ ແລະ ມີຄວາມເຂົ້າໃຈແຈ້ງກ່ຽວກັບ ແທງຮ໊ວາ ກ່ວາເກົ່າ.

ແລະກໍ່ໃນຕອນບ່າຍຂອງວັນດຽວກັນ, ທ່ານນາຍົກລັດຖະມົນຕີ ຫງວຽນຊວນຟຸກ ກໍ່ໄດ້ລົງຢ້ຽມຢາມເມືອງ ນົງກົ໊ງ ແລະ ກົດປຸ່ມປະຕິບັດໂຄງການລ້ຽງງົວພັນນົນ ແລະ ປຸງແຕ່ງນ້ຳນົມໂດຍນຳໃຊ້ເຕັກໂນໂລຊີສູງ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.