ດ້ວຍຈຸດປະສົງເຕົ້າໂຮມ, ຄັດເລືອກບັນດາບົດຮຽນຂອງບັນດານັກຊ່ຽວຊານຢູ່ພາຍໃນປະເທດ ແລະ ສາກົນ, ກໍຄືປະຊາຄົມວິສາຫະກິດເພື່ອສ້າງມະຕິຂອງກົມການເມືອງ ແລະ ໂຄງການດຳເນີນງານຂອງລັດຖະບານ ກ່ຽວກັບນະໂຍບາຍເປັນເຈົ້າການເຂົ້າຮ່ວມການປະຕິວັດອຸດສາຫະກຳຄັ້ງທີ 4 ຂອງຫວຽດນາມ ໃນລະຫວ່າງວັນທີ 12 – 13 ກໍລະກົດ
        ກ່ອນທີ່ເຂົ້າຮ່ວມເວທີປາໄສ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕັດແຖບຜ້າໄຂງານວາງສະແດງສາກົນກ່ຽວກັບອຸດສາຫະກຳ 4.0 ດ້ວຍຮ້ານວາງສະແດງເກືອບ 50 ຮ້ານ. ງານວາງສະແດງໂດຍມີການເຂົ້າຮ່ວມຂອງບັນດາກຸ່ມບໍລິສັດເຕັກໂນໂລຊີແຖວໜ້າ ດ້ວຍບັນດາມາດຕະການແກ້ໄຂດ້ານເຕັກໂນໂລຊີທີ່ທັນສະໄໝ:
“ບັນຫາທີ່ສອງແມ່ນຈາກຄວາມຮັບຮູ້ນັ້ນຕະຫຼອດຮອດການກະທຳຕ້ອງເປັນຄືແນວໃດ. ການກະທຳລວມມີວຽກງານຫຍັງແດ່. ນັ້ນແມ່ນຕ້ອງມີນະໂຍບາຍກົດໝາຍໃດເພື່ອພັດທະນາອຸດສາຫະກຳ 4.0 ໃຫ້ດີກ່ວາ, ມີລະດັບສູງກ່ວາ. ບັນຫາຕໍ່ໄປຂອງການກະທຳນັ້ນແມ່ນບຳລຸງສ້າງແຫຼ່ງຊັບພະຍາກອນມະນຸດຢູ່ ຫວຽດນາມ. ແຮງງານ ຫວຽດນາມ 40% ແມ່ນເຮັດວຽກໃນຂົງເຂດກະສິກຳ, ມີສະມັດຕະພາບຕ່ຳ. ຍ້ອນເຫດນັ້ນ, ລະບົບການສຶກສາຕ້ອງກຳແໜ້ນບັນຫານີ້ຢ່າງມີປະສິດທິຜົນ. ໃນນັ້ນ ຕ້ອງແກ້ໄຂເລື່ອງວັດຖຸອຸປະກອນ, ທັກສະໃຫ້ຜູ້ອອກແຮງງານ.”
        ກ່າວຄຳເຫັນທີ່ພິທີໄຂ ແລະ ແນະນຳຢູ່ເວທີປາໄສ, ທ່ານ ຫງວຽນວັນບິ່ງ, ຫົວໜ້າຄະນະເສດຖະກິດສູນກາງຫວຽດນາມ ເນັ້ນໜັກວ່າ, ເລື່ອງຂຸດຄົ້ນຢ່າງຖືກຕ້ອງ, ທັນການບັນດາກາລະໂອກາດຂອງການປະຕິວັດອຸດສາຫະກຳ 4.0 ແມ່ນສິ່ງທ້າທາຍລວມຂອງບັນດາປະເທດ, ແຕ່ສຳລັບປະເທດທີ່ພວມພັດທະນາຄືຫວຽດນາມ ແລ້ວ ສິ່ງທ້າທາຍເຫຼົ່ານັ້ນຍິ່ງໃຫຍ່ຫຼວງກວ່າ. ການປະຕິວັດອຸດສາຫະກຳ ໄດ້ເປີດກາລະໂອກາດຫຼາຍຢ່າງໃນການຍົກສູງລະດັບຄວາມຮູ້ດ້ານເຕັກໂນໂລຊີ, ກຳລັງຄວາມສາມາດການຜະລິດ ແລະ ແກ່ງແຍ້ງໃຫ້ລະບົບມູນຄ່າທົ່ວໂລກ.
        ຕາມລາຍການ, ຕອນບ່າຍວັນດຽວກັນ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຂົ້າຮ່ວມວາລະເຈລະຈາກ່ຽວກັບນະໂຍບາຍດ້ວຍຫົວຂໍ້ວ່າ: ແຜນນະໂຍບາຍ, ນະໂຍບາຍເປັນເຈົ້າການເຂົ້າຮ່ວມການປະຕິວັດອຸດສາຫະກຳ 4.0 ຂອງຫວຽດນາມ.