ນະຄອນໂຮ່ຈິມິນສ້າງເງື່ອນໄຂສະດວກເພື່ອໃຫ້ບັນດາວິສາຫະກິດເກຼັກມາລົງທຶນ
ທ່ານ ຫງວຽນແທ່ງຟອງ, ປະທານຄະນະກຳມະການປະຊາຊົນນະຄອນໂຮ່ຈິມິນ
ຕ້ອນຮັບລັດຖະມົນຕີກະຊວງການຕ່າງປະເທດ ແລະ ຮ່ວມມືສ.ເກຼັກ
(ພາບ: TTXVN)
ຕອນບ່າຍວັນທີ 14/02, ທ່ານ ຫງວຽນແທ່ງຟອງ, ປະທານຄະນະກຳມະການປະຊາຊົນນະຄອນໂຮ່ຈິມິນ ໄດ້ໃຫ້ການຕ້ອນຮັບທ່ານ Nikos Kotzias, ລັດຖະມົນຕີກະຊວງການຕ່າງປະເທດ ແລະ ຮ່ວມມືສ.ເກຼັກ, ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ທ່ານ ຫງວຽນແທ່ງຟອງ ໃຫ້ຮູ້ວ່າ, ນະຄອນໂຮ່ຈິມິນ ປາດຖະໜາຢາກພ້ອມກັບເກຼັກ ເພີ່ມທະວີບັນດາການເຄື່ອນໄຫວຊຸກຍູ້ການພົວພັນລະຫວ່າງ 2 ຝ່າຍ, ພິເສດແມ່ນໃນບັນດາຂົງເຂດເຊິ່ງເກຼັກ ມີທ່າແຮງຄື: ທ່າກ່ຳປັນ, ການທ່ອງທ່ຽວ, ວັດທະນະທຳສິລະປະ. ທ່ານ ຫງວຽນແທ່ງຟອງ ຢືນຢັນວ່າ, ນະຄອນໂຮ່ຈິມິນ ພ້ອມແລ້ວທີ່ຈະສ້າງເງື່ອນໄຂສະດວກເພື່ອໃຫ້ບັນດາວິສາຫະກິດເກຼັກ ເຂົ້າມາລົງທຶນ, ດຳເນີນທຸລະກິດຢູ່ຫວຽດນາມ.
ທ່ານລັດຖະມົນຕີການຕ່າງປະເທດເກຼັກ Nikos Kotzias ຢືນຢັນວ່າ, ເກຼັກ ພ້ອມແລ້ວຈະເປັນຂົວຕໍ່ໃຫ້ບັນດາວິສາຫະກິດຫວຽດນາມ, ໃນນັ້ນມີວິສາຫະກິດນະຄອນໂຮ່ຈິມິນ ແຊກແຊງເຂົ້າຕະຫຼາດເອີລົບ.
(ແຫຼ່ງຄັດຈາກ VOV)