ພິທີຕ້ອນຮັບທ່ານ Prasad Sharma Oli ນາຍົກລັດຖະມົນຕີ ປະຊາທິປະໄຕ ສະຫະພັນ ເນປານ (ພາບ: ຍືອຽນ/tienphong.vn)

ພິທີຕ້ອນຮັບທ່ານ Prasad Sharma Oli ນາຍົກລັດຖະມົນຕີ ປະຊາທິປະໄຕ ສະຫະພັນ ເນປານ ແລະ ພັນລະຍາຖືກດຳເນີນໃນຕອນເຊົ້າວັນທີ 11 ພຶດສະພາ, ຢູ່ຮ່າໂນ້ຍ, ໃນຂອບເຂດການຢ້ຽມຢາມ ຫວຽດນາມ ຢ່າງເປັນທາງການ, ຕາມຄຳເຊີນຂອງທ່ານ ຫງວຽນຊວັນຟຸກ ນາຍົກລັດຖະມົນຕີ ຫວຽດນາມ. ພາຍຫຼັງພິທີຕ້ອນຮັບ, ນາຍົກລັດຖະມົນຕີສອງທ່ານ ໄດ້ດຳເນີນການພົບປະເຈລະຈາ. ທີ່ນີ້, ສອງຝ່າຍໄດ້ສະແດງຄວາມເພິ່ງພໍໃຈກ່ຽວກັບໝາກຜົນຂອງການຢ້ຽມຢາມ ຫວຽດນາມ ຂອງທ່ານ ນາຍົກລັດຖະມົນຕີ ເນປານ, ເປັນຕົ້ນແມ່ນເລື່ອງສອງຝ່າຍໄດ້ລົງນາມໃນເອກະສານສຳຄັນຫຼາຍສະບັບຄື: ສັນຍາຍົກເວັ້ນວີຊາໃຫ້ແກ່ຜູ້ທີ່ມີໜັງສືຜ່ານແດນທາງການທູດ ແລະທາງລັດຖະການ ລະຫວ່າງລັດຖະບານສອງປະເທດ; ບົດບັນທຶກຊ່ວຍຈຳກ່ຽວກັບການສ້າງກົນໄກປຶກສາຫາລືສອງຝ່າຍລະຫວ່າງກະຊວງການຕ່າງປະເທດສອງປະເທດ; ຈົດໝາຍສະແດງເຈດຈຳນົງກ່ຽວກັບການເຈລະຈາ ແລະ ລົງນາມ ສັນຍາແມ່ກ່ຽວກັບການຮ່ວມມືດ້ານການຄ້າ ແລະ ການລົງທຶນລະຫວ່າງ ກະຊວງອຸດສາຫະກຳ ແລະ ການຄ້າ ຫວຽດນາມ ແລະ ກະຊວງອຸດສາຫະກຳ, ການຄ້າ ແລະ ການສະໜອງ ຂອງ ເນປານ

ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ສະເໜີໃຫ້ເນປານໜູນຊ່ວຍວິສາຫະກິດ ຫວຽດນາມໃນການຊອກຮູ້ໂອກາດການລົງທຶນໃນທຸກໆຂົງເຂດ, ພິເສດແມ່ນ ພະລັງງານ, ພື້ນຖານໂຄງລ່າງ ແລະ ໂທລະຄົມມະນາຄົມ. ສອງຝ່າຍໄດ້ເຫັນດີເປັນເອກະພາບພິຈາລະນາບັນດາຂໍ້ສະເໜີເປີດປະຕູຕະຫຼາດໃຫ້ແກ່ຜະລິດຕະພັນກະເສດຂອງແຕ່ລະປະເທດ, ພ້ອມທັງຊຸກຍູ້ການແລກປ່ຽນຂໍ້ມູນຂ່າວສານ, ເປີດກ້ວາງການຮ່ວມມືກ່ຽວກັບກະສິກຳທີ່ນຳໃຊ້ເຕັກໂນໂລຢີສູງ, ແລກປ່ຽນນັກຊ່ຽວຊານດ້ານກະສິກຳ. ສອງຝ່າຍເຫັນດີເປັນເອກະພາບຈະເພີ່ມທະວີການແລກປ່ຽນ ແລະ ການຮ່ວມມືໃນຂົງເຂດວັດທະນະທຳ, ການທ່ອງທ່ຽວ, ພົບປະແລກປ່ຽນ ປະຊາຊົນ. ຝ່າຍຫວຽດນາມໄດ້ເຫັນດີຊຸກຍູ້ການສ້າງຕັ້ງສະມາຄົມມິດຕະພາບ ຫວຽນາມ - ເນປານ ຢູ່ ຮ່າໂນ້ຍ ໃນໄລຍະຈະມາເຖິງ.

(ແຫຼ່ງຄັດຈາກ VOV)