ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ກ່າວຄຳເຫັນທີ່ກອງປະຊຸມ (ພາບ: VGP)

ກ່າວຄໍາເຫັນໄຂກອງປະຊຸມ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໃຫ້ຮູ້ວ່າ ເມື່ອກວດພົບກໍລະນີຕິດເຊື້ອຄົນທໍາອິດ ໝາຍເລກ 416 ພາຍຫຼັງ 99 ວັນບໍ່ພົບກໍລະນີຕິດເຊື້ອໃໝ່ໃນຊຸມຊົນ, ນະຄອນດ່າໜັງ ແລະ ກະຊວງສາທາລະນະສຸກຫວຽດນາມ ໄດ້ຜັນຂະຫຍາຍມາດຕະການຫຼາຍຢ່າງເພື່ອສະກັດກັ້ນການແຜ່ລະບາດ. ດ່າໜັງ ໄດ້ເປັນເຈົ້າການຈໍາກັດ, ກໍານົດບໍລິເວນ. ຂະແໜງສາທາລະນະສຸກ ເພີີ່ມທະວີພະນັກງານເຂົ້າປະຈໍາຢູ່ດ່າໜັງ. ທະຫານເຂດ 5 ໄດ້ຂົນຂວາຍທະຫານປະຕິບັດການອະນາໄມຂ້າເຊື້ອຢູ່ເຂດມີຜູ້ຕິດເຊື້ອ ແລະ ປະຕິບັດການແຍກຫ່າງໃນສັງຄົມ ຄືບໍ່ເຕົ້າໂຮມກັນຫຼາຍກວ່າ 30 ຄົນ, ບອກເຕືອນເຮັດລະບຽບການເພື່ອໃຫ້ແຂກທ່ອງທ່ຽວອອກຈາກດ່າໜັງ.

ຕໍ່ໜ້າສະພາບການອັນສັບສົນດັ່ງກ່າວ, ທ່ານນາຍົກລັດຖະມົນຕີເນັ້ນໜັກບໍ່ປະໃຫ້ໂລກລະບາດລະເບີດ ແລະ ແຜ່ລະບາດໃນວົງກວ້າງຢູ່ດ່າໜັງ ແລະ ທ້ອງຖິ່ນຕ່າງໆ.

ກໍໃນຕອນເຊົ້າວັນທີ 27 ກໍລະກົດ, ຢູ່ສໍານັກງານລັດຖະບານ, ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ, ຫົວໜ້າຄະນະຊີ້ນໍາແຫ່ງຊາດກ່ຽວກັບການປ້ອງກັນ, ສະກັດກ້ັນໂລກລະລາດໂຄວິດ - 19, ກໍໄດ້ເປັນປະທານກອງປະຊຸມຜັນຂະຫຍາຍບັນດາມາດຕະການປ້ອງກັນ, ສະກັດກັ້ນໂລກລະບາດໃນໄລຍະປັດຈຸບັນ. ທ່ານຮອງນາຍົກລັດຖະມົນຕີ ຫວູດຶກດາມ ຊີ້ແຈ້ງວ່າ ຕ້ອງປະຕິບັດ 2 ເປົ້າໝາຍ: ດັບມອບໂລກລະບາດ ແລະ ຮັກສາສະຖຽນລະພາບໃນສັງຄົມ.

 (ແຫຼ່ງຄັດຈາກ VOV)