ຂ່າວສານ
ທ່ານນາຍົກລັດຖະມົນຕີຫງວຽນຊວນຟຸກ ເຂົ້າຮ່ວມພິທີຕອບສະໜອງໂຄງການປູກຕົ້ນໄມ້ 1 ຕື້ຕົ້ນ ແລະ ເຮັດວຽກກັບການນຳແຂວງເງະອານ
ແລະ ເຮັດວຽກກັບການນຳແຂວງເງະອານ (ພາບ: VGP)
ຕອນເຊົ້າວັນທີ 14 ມີນາ, ຢູ່ເຂດປູຊະນີຍະສະຖານປະຫວັດສາດ ຊາວໜຸ່ມຕະລຸມບອນ ຈ່ວງບົນ, ຕາແສງ ໝີເຊີນ, ເມືອງ ໂດເລືອງ, ແຂວງເງະອານ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ເຂົ້າຮ່ວມພິທີຕອບສະໜອງໂຄງການປູກຕົ້ນໄມ້ 1 ພັນຕົ້ນ ເພື່ອຫວຽດນາມແຫ່ງສີຂຽວ. ໂຄງການໂດຍກະຊວງຊັບພະຍາກອນ ແລະ ສິ່ງແວດລ້ອມສົມທົບກັບຄະນະກຳມະການປະຊາຊົນແຂວງເງະອານຈັດຕັ້ງຂຶ້ນ.
ທີ່ພິທີປູກລະດົມ, ກະຊວງຊັບພະຍາກອນ ແລະ ສິ່ງແວດລ້ອມໄດ້ມອບຕົ້ນໄມ້ 10.000 ຕົ້ນໃຫ້ແກ່ປະຊາຊົນເມືອງ ໂດເລືອງ, ແຂວງເງະອານ. ການນຳແຂວງເງະອານໃຫ້ຮູ້ວ່າ, ນັບແຕ່ນີ້ຮອດປີ 2025 ຈະປູກຕົ້ນໄມ້ 50 ລ້ານຕົ້ນ, ເພື່ອປະກອບສ່ວນເຂົ້າໂຄງການປູກຕົ້ນໄມ້ 1 ຕື້ຕົ້ນ ໂດຍທ່ານນາຍົກລັດຖະມົນຕີປູກລະດົມ.ແລະກໍ່ໃນຕອນເຊົ້າວັນທີ 14 ມີນາ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ເປັນປະທານການເຮັດວຽກກັບການນຳຫຼັກແຫຼ່ງແຂວງເງະອານ. ທີ່ການເຮັດວຽກ ທ່ານນາຍົກລັດຖະມົນຕີ ໄດ້ຕີລາຄາສູງ ແຂວງເງະອານ ບັນລຸໄດ້ບັນດາໝາກຜົນທີ່ຕັ້ງໜ້າ, ຮຽກຮ້ອງໃຫ້ຄະນະພັກ, ອຳນາດການປົກຄອງແຂວງຍູ້ແຮງການເຊື່ອມຊືມມະຕິຂອງກອງປະຊຸມໃຫຍ່ຄັ້ງທີ XIII ຂອງພັກ ແລະ ນຳມະຕິເຂົ້າສູ່ຊີວິດຕົວຈິງ.
(ແຫຼ່ງຄັດຈາກ VOV)
