ທີ່ການຕ້ອນຮັບ (ພາບ: VGP)
ນີ້ແມ່ນໜຶ່ງໃນບັນດາກຸ່ມບໍລິສັດແຖວໜ້າຂອງລັດເຊຍ ໃນຂົງເຂດພະລັງງານ ພວມປາດຖະໜາຢາກລົງທຶນເຂົ້າໂຄງການສູນໄຟຟ້າ ການາ (ນິງທ້ວນ).
ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວັນຟຸກ ໃຫ້ຮູ້ວ່າ: ໃນໄລຍະຈະມາເຖິງ, ເສດຖະກິດຂອງ ຫວຽດນາມ ຈະເຕີບໂຕສູງ ແລະ ຄວາມຕ້ອງການດ້ານພະລັງງານແມ່ນໃຫຍ່ຫລວງທີ່ສຸດ ແລະ ແມ່ນກາລະໂອກາດການຮ່ວມມືໃຫຍ່ຫລວງໃຫ້ແກ່ບັນດານັກລົງທຶນທີ່ມີທ່າແຮງຂອງລັດເຊຍ ໃນຂົງເຂດນີ້. ໄປຄຽງຄູ່ກັບຂົງເຂດພະລັງງານ, ທ່ານ ຫງວຽນຊວັນຟຸກ ກໍ່ປາດຖະໜາຢາກໃຫ້ບັນດານັກລົງທຶນລັດເຊຍ ເປີດກ້ວາງການລົງທຶນເຂົ້າ ຫວຽດນາມ ໃນຫລາຍຂົງເຂດອື່ນໆ
ກ່ຽວກັບໂຄງການສູນໄຟຟ້າ ການາ (ນິງທ້ວນ), ທ່ານນາຍົກລັດຖະມົນຕີ ຫງວຽນຊວັນຟຸກ ເນັ້ນໜັກວ່າ ນີ້ແມ່ນໂຄງການໄຟຟ້າສຳຄັນຂອງ ຫວຽດນາມ ຕ້ອງການມີບັນດານັກລົງທຶນທີ່ມີກຳລັງຄວາມສາມາດດ້ານການເງິນ ແລະ ມີບົດຮຽນ. ລັດຖະບານ ຫວຽດນາມ ຈະສ້າງເງື່ອນໄຂສະດວກ ເພື່ອໃຫ້ບັນດານັກລົງທຶນ ລັດເຊຍ ລົງທຶນເຂົ້າ ຫວຽດນາມ ຖືກຕາມຂໍ້ກຳນົດ.
(ແຫຼ່ງຄັດຈາກ VOV)
