ຂ່າວສານ

ທ່ານນາຍົກລັດຖະມົນຕີ ຫງວຽນຊວັນຟຸກ ເຂົ້າຮ່ວມພິທີສະເຫຼີມສະຫຼອງ 65 ປີແຫ່ງວັນມູນເຊື້ອໂຮງຮຽນນັກຮຽນພາກໃຕ້ຢູ່ດິນແດນພາກເໜືອ

09/12/2019

ຕອນເຊົ້າວັນທີ 08 ທັນວາ, ທີ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເຂົ້າຮ່ວມພິທີສະເຫຼີມສະຫຼອງ 65 ປີແຫ່ງວັນມູນເຊື້ອໂຮງຮຽນນັກຮຽນພາກໃຕ້ຢູ່ດິນແດນພາກເໜືອ ແລະ 50 ປີແຫ່ງວັນນັກຮຽນພາກໃຕ້ລຸ້ນຕ່າງໆປະຕິບັດຄຳພິໄນກຳຂອງປະທານ ໂຮ່ຈີມິນ.

ທ່ານນາຍົກລັດຖະມົນຕີ ຫງວຽນຊວັນຟຸກ ເຂົ້າຮ່ວມພິທີສະເຫຼີມສະຫຼອງ 65 ປີແຫ່ງວັນມູນເຊື້ອໂຮງຮຽນນັກຮຽນພາກໃຕ້
ຢູ່ດິນແດນພາກເໜືອ (ພາບ: VGP)

ຮູບແບບໂຮງຮຽນນັກຮຽນພາກໃຕ້ຢູ່ດິນແດນພາກເໜືອຄົງຕົວນັບແຕ່ປີ 1954 – 1975 ທີ່ສະຫງວນໃຫ້ບັນດານ້ອງນ້ອຍພາກໃຕ້ອາຍຸແຕ່ 4 – 17 ປີ, ເປັນລູກຫຼານຂອງພະນັກງງານ, ທະຫານ, ບັນດາຄອບຄົວນະໂຍບາຍຢູ່ບັນດາທ້ອງຖິ່ນພາກໃຕ້ສົ່ງໄປຮ່ຳຮຽນຢູ່ພາກເໜືອ ເພື່ອກະກຽມໃຫ້ແກ່ພາລະກິດການປະຕິວັດພາກໃຕ້ ແລະ ສ້າງສາປະເທດໃນວັນນີ້.

ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ຫງວຽນຊວັນຟຸກ ຖືວ່າ: ເລື່ອງສ້າງຕັ້ງລະບົບບັນດາໂຮງຮຽນນັກຮຽນພາກໃຕ້ຢູ່ດິນແດນພາກເໜືອ ແມ່ນແຜນນະໂຍບາຍໃຫຍ່ ທີ່ມີຄວາມໝາຍສຳຄັນຍິ່ງ, ບໍ່ພຽງແຕ່ສະແດງໃຫ້ເຫັນວິໄສທັດອັນສະຫລາດສ່ອງໄສ, ເລິກເຊິ່ງກ້ວາງຂວາງເທົ່ານັ້ນ ຫາກຍັງເວົ້າເຖິງນ້ຳໃຈອັນສູງສົ່ງຂອງປະທານ ໂຮ່ຈີມິນ, ຂອງພັກ, ຂອງລັດ, ຂອງຂະແໜງການສຶກສາສຳລັບລູກຫຼານພະນັກງານພໍ່ແມ່ປະຊາຊົນພາກໃຕ້ອີກດ້ວຍ.

(ແຫຼ່ງຄັດຈາກ VOV)

ນາຍົກລັດຖະມົນຕີ ຟ້າມມິງຈິງ ແລະ ບັນດາການນຳ ອາຊຽນ ເຂົ້າຮ່ວມກອງປະຊຸມສຸດຍອດ ອາຊຽນ - ຈີນ ຄັ້ງທີ 28

29/10/2025
ຂ່າວສານ

ໂດຍສືບຕໍ່ບັນດາການເຄື່ອນໄຫວໃນຂອບເຂດກອງປະຊຸມສຸດຍອດ ອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ, ຕອນເຊົ້າວັນທີ 28 ຕຸລາ, ຢູ່ ກົວລາ ລຳເປີ ປະເທດ ມາເລເຊຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ພ້ອມດ້ວຍບັນດາການນຳ ອາຊຽນ ແລະ ທ່ານນາຍົກລັດຖະມົນຕີ ຈີນ ຫຼີຊຽນ ໄດ້ເຂົ້າຮ່ວມກອງປະຊຸມສຸດຍອດ ອາຊຽນ - ຈີນ ຄັ້ງທີ 28.