ຂ່າວສານ

ທ່ານນາຍົກລັດຖະມົນຕີ ຫວຽດນາມ ເຂົ້າຮ່ວມກອງປະຊຸມປັບປຸງສະມັດຕະພາບການອອກແຮງງານແຫ່ງຊາດ

08/08/2019

ຕອນເຊົ້າວັນທີ 7 ສິງຫາ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ເຂົ້າຮ່ວມ ແລະ ຊີ້ນຳກອງປະຊຸມປັບປຸງສະມັດຕະພາບການອອກແຮງງານແຫ່ງຊາດ. ໂດຍມີການເຂົ້າຮ່ວມຂອງທ່ານຮອງນາຍົກລັດຖະມົນຕີ ຫວູດຶກດາມ, ການນຳບັນດາກະຊວງ, ຂະແໜງການ, ບັນດານັກວິທະຍາສາດ.

ທ່ານນາຍົກລັດຖະມົນຕີ ຫງວຽນຊວັນຟຸກກ່າວຄຳເຫັນທີ່ກອງປະຊຸມ (ພາບ: TTXVN)

ກ່າວຄຳເຫັນສະຫຼຸບກອງປະຊຸມ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ຖືວ່າຖ້າເອົາລວມຍອດຜະລິດຕະພັນພາຍໃນປະເທດ (GDP) ແບ່ງໃຫ້ຜູ້ອອກແຮງງານໃນທົ່ວປະເທດນັ້ນສະມັດຕະພາບການອອກແຮງງານຂອງ ຫວຽດນາມ ແມ່ນຕ່ຳ. ຕາມວິທີການຄິດໄລ່ນີ້ເມື່ອທຽບໃສ່ກັບບັນດາປະເທດໃນພາກພື້ນ ອາຊີຕາເວັນອອກສ່ຽງໃຕ້ແລ້ວ, ສະມັດຕະພາບຂອງ ຫວຽດນາມ ແມ່ນມີແຕ່ສູງກ່ວາ ລາວ, ກຳປູເຈຍ ແລະ ມຽນມາເທົ່ານັ້ນ. ທ່ານນາຍົກລັດຖະມົນຕີຖືວ່າມີສາຍເຫດຫຼາຍຢ່າງທີ່ເຮັດໃຫ້ການອອກແຮງງານມີສະມັດຕະພາບຕ່ຳ.

ປັດຈຸບັນ ເຖິງວ່າ ສະມັດຕະພາບການອອກແຮງງານຂອງ ຫວຽດນາມ ຍັງຕ່ຳຢູ່ກໍ່ຕາມ ແຕ່ວ່າ ທ່ານນາຍົກລັດຖະມົນຕີກໍ່ໄດ້ເນັ້ນໜັ້ກເຖິງ ຄວາມສາມາດບົ່ມຊ້ອນອັນໃຫຍ່ຫຼວງໃນການເພີ່ມທະວີສະມັດຕະພັນການອອກແຮງງານຂອງຫວຽດນາມ. ທ່ານນາຍົກລັດຖະມົນຕີກໍ່ຍົກອອກໜ້າທີ່ຈຸດສຸມເພື່ອແນໃສ່ຊຸກຍູ້ການເພີ່ມສະມັດຕະພາບໃນການອອກແຮງງານເປັນຢ່າງແຮງ…

(ແຫຼ່ງຄັດຈາກ VOV)

ສະຫາຍອເລຂາທິການໃຫຍ່ ໂຕເລີມ: ສຳນັກຂ່າວສານ ຫວຽດນາມ ສືບຕໍ່ຢືນຢັນບົດບາດເປັນອົງການຂ່າວສານຍຸດທະສາດ ແລະ ຄວາມໄວ້ເນື້ອເຊື່ອໃຈຂອງ ພັກ ແລະ ລັດ

14/09/2025
ຂ່າວສານ

ຕອນເຊົ້າວັນທີ 14 ກັນຍາ, ຢູ່ສູນສຳນັກຂ່າວແຫ່ງຊາດ, ເລກທີ 5 ຫຼີເຖື່ອງກຽດ, ຮ່າໂນ້ຍ, ສຳນັກຂ່າວສານຫວຽດນາມ (VNA) ໄດ້ຈັດພິທີມອບຫຼຽນໄຊ ໂຮ່ຈີມິນ (ເປັນຄັ້ງທີ 3) ແລະ ສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ (ວັນທີ 15 ກັນຍາ 1945 - ວັນທີ 15 ກັນຍາ 2025). ສະຫາຍເລຂາທິການໃຫຍ່ ໂຕເລີມ ໄດ້ເຂົ້າຮ່ວມ ແລະ ກ່າວຄຳເຫັນທີ່ພິທີ. ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິງຈິ໋ງ, ປະທານສະພາແຫ່ງຊາດ ເຈີ່ນແທງເໝີ໊ນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ໊ວັນຈ໋ຽນ ໄດ້ສົ່ງກະຕ່າດອກໄມ້ ແລະ ຈົດໝາຍອວຍພອນເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ.