07/08/2019 15:26 GMT+7 Email Print Like 0

ທາດ ດ້າຍບີກິມເກືອງ

ຫ່າງຈາກໃຈກາງ ຮ່າໂນ້ຍ ປະມານ 30 ກິໂລແມັດ, ວັດ ແທ໋ງກວາງ (ຂຶ້ນກັບ ບ້ານ ເມົ໊າສາ, ຕາແສງ ວັນມົນ, ເມືອງ ອຽນຟອງ, ແຂວງ ບັກນິງ) ມີຊື່ສຽງໂດ່ງດັງ ກັບທາດ ດ້າຍບີກິມເກືອງ, ເປັນສິ່ງພິສູດ ສະແດງໃຫ້ເຫັນວ່າ ພຸດທະສາສະໜາ ກັບຕົ້ນກຳເນີດ ຂອງ ຊາດ ໄດ້ປະສານກົມກຽວກັນ ໃນວັດທະນະທຳ ຫວຽດ. 
ສາລາ - ວິຫານ ເຕື໋ອງກວກ ເປັນສະຖານທີ່ສັກກະລະບູຊາ ເຈົ້າຊີວິດ ຮຸ່ງ ແລະ ບັນດານາຍພົນ ຜູ້ມີຄຸນງາມຄວາມດີ ຢ່າງໃຫຍ່ຫຼວງ ຕໍ່ ປະເທດຊາດ ຊຶ່ງໄດ້ປະດິດສະຖານ ໃນວັດ ແທ໋ງກວາງ. ປີ 1947, ສາລາ-ວິຫານ ນີ້ ຖືກ ຝຣັ່ງ ເຜົາທຳລາຍ. ໃນປີ 2000, ປະຊາຊົນ ເມີ໊ນສາ ໄດ້ພ້ອມກັນສ້າງ ສາລາ-ວິຫານຄືນໃໝ່ ຕາມແບບ “ໂນ້ຍ ກົງ, ງວ້າຍກວກ” ທັງໝົດເຮັດດ້ວຍໄມ້ຄື ມີ ຫ້າຫ້ອງໃຫຍ່, ສອງ ຫ້ອງນ້ອຍຢູ່ ຂ້າງ, ສີ່ມຸມຂອງສ່ວນຫຼັງຄາຂົດໂງຂຶ້ນລົງ. ແຕ່ປີ 2012, ກຸ່ມບໍລິສັດ Hanaka ພ້ອມກັບອໍານາດການ ປົກຄອງ, ປະຊາຊົນ ທ້ອງຖິ່ນ ໄດ້ພ້ອມກັນ ປະຕິສັງຂອນ ວັດ ແທ໋ງກວາງ ແລະ ໃຫ້ກໍ່ສ້າງ ທາດ ດ້າຍບີ ສູງ 15 ຊັ້ນ - ເປັນສະຖານທີ່ ໃຫ້ປະຊາຊົນ ທົ່ວທຸກ ສາລະທິດ ມາຍັງແຫ່ງນີ້ ເພື່ອ ສັກກະລະບູຊາ ພະພຸດທະເຈົ້າ, ຂໍພອນ ໃຫ້ ປະເທດຊາດ ມີສັນຕິພາບ, ປະຊາຊົນ ໃຊ້ຊີວິດໃນຄວາມ ຢູ່ເຢັນເປັນສຸກ, ວຽກງານທຸກ ຢ່າງໄດ້ລຸລ່ວງ ໂດຍດີ ແລະ ປະສົບຜົນສຳເລັດ.


ຫໍທາດ ດ້າຍບີກິມເກືອງ ຕັ້ງຢູ່ໃນບໍລິເວນ ຂອງວັດ ແທ໋ງກວາງ. ພາບ: ແຄ໋ງລອງ


ແຕ່ລະຊັ້ນຂອງຫໍທາດ ແມ່ນບ່ອນຕັ້ງຮູບປັ້ນ ແລະ ລະຄັງທອງ ຟອກຄຳ. ພາບ: ແຄ໋ງລອງ


ຊັ້ນລຸ່ມສຸດ ຂອງ ຫໍທາດ ໄດ້ຕັ້ງຮູບປັ້ນ ດຶກກິງເຢືອງເວືອງ (ຕົວລະຄອນຢູ່ໃນເທບນິຍາຍ, ເປັນພໍ່ຕູ້ຂອງ ເຈົ້າຊີວິດ ຮຸ່ງ ລຸ້ນທຳອິດ) ເພື່ອການສັກກະລະບູຊາ. ພາບ: ຫວຽດເກື່ອງ


ໜຶ່ງໃນຮູບປັ້ນທອງຟອກຄຳ 158 ໜ່ວຍ ທີ່ເປັນເອກະລັກ ຂອງຫໍທາດ ດ້າຍບີກິມເກືອງ ຢູ່ວັດ ແທ໋ງກວາງ. ພາບ: ແຄ໋ງລອງ


ພາບແກ້ວ ໄດ້ປະດັບປະດາ ຢູ່ເທິງບັນດາປ່ອງຢ້ຽມຂອງ ຫໍທາດ. ພາບ: ຫວຽດເກື່ອງ


ລະຄັງທອງຟອກຄຳໃຫຍ່ທີສຸດ ຂອງ ຫໍທາດ. ພາບ: ແຄ໋ງລອງ


ລະຄັງນ້ອຍຟອກຄຳໜ່ວຍໜຶ່ງ ໄດ້ອອກແບບ ການຕີລະຄັງດ້ວຍໄຟ. ພາບ: ຫວຽດເກື່ອງ


ໄມ້ຕີລະຄັງ ຖືກຕິດສິ້ນສ່ວນສັນຍານສົ່ງທາງໄກ ເພື່ອການສັ່ນລະຄັງ ຂອງ ຫໍທາດ. ພາບ: ຫວຽດເກື່ອງ


ສິ້ນສ່ວນສັນຍານສົ່ງທາງໄກຕົ້ນຕໍ ຂອງລະບົບຕີລະຄັງ ໂດຍອັດຕະໂນມັດ ຂອງຫໍທາດ ດ້າຍບີກິມເກືອງ ຢູ່ວັດແທ໋ງກວາງ. ພາບ: ແຄ໋ງລອງ


ບັນດາຮູບປັ້ນຕັ້ງຢູ່ທາງນອກຫໍທາດ. ພາບ: ຫວຽດເກື່ອງ


ໜຶ່ງໃນຈຳນວນຮູບປັ້ນ100 ໜ່ວຍ ທີ່ໄດ້ຕັ້ງຢູ່ທາງນອກ ຫໍທາດ.  ພາບ: ແຄ໋ງລອງ


ສະຫະສະຖິຕິໂລກ ມອບໃບຢັ້ງຢືນສ້າງສະຖິຕິໂລກ ໃຫ້ແກ່ ຫໍທາດ ດ້າຍບີກິມເກືອງ ຢູ່ວັດ ແທ໋ງກວາງ. ພາບ: ເອກະສານ 

ປັດຈຸບັນ, ທາດ ດ້າຍບີກິມເກືອງ ລວມມີ ພະພຸດທະຮູບ, ຮູບປັ້ນ ບັນດານາຍພົນ, ວິລະຊົນແຫ່ງຊາດ 158 ອົງ ໃນຕະຫຼອດ ຊ່ວງ ເວ ລາຂອງປະຫວັດສາດ ແຕ່ສະໄໝ ເຈົ້າຊີວິດ ຮຸ່ງ ຈົນເຖິງຍຸກ ໂຮ່ຈີມິນ. ຮູບປັ້ນທັງໝົດນີ້ ໄດ້ເຮັດດ້ວຍທອງ ຟອກຄຳ. ນອກຈາກ ນັ້ນ, ຢູ່ທີ່ນີ້ ຍັງມີ ລະຄັງ 108 ໜ່ວຍ ເຮັດດ້ວຍທອງ ຟອກຄຳ ຊຶ່ງໄດ້ ອອກແບບ ທີ່ເປັນເອກະລັກ ກັບລະບົບ ຕີລະຄັງ ໂດຍອັດຕະໂນມັດ ເມື່ອ ຕີລະຄັງ ໜ່ວຍໃຫຍ່ສຸດ ບັນດາລະຄັງ ນ້ອຍ ກໍຈະດັງກັງວານ ໄປຕາມໆ ກັນ.

ຫໍທາດ ດ້າຍບີກິມເກືອງ ບໍ່ພຽງແຕ່ປະກອບສ່ວນເຊີດຊູ ຄຸນຄ່າ ມູນ ເຊື້ອ ຂອງສາສະໜາພຸດ ຫວຽດນາມເທົ່ານັ້ນ, ແຕ່ຍັງມີຄວາມໝາຍ ດ້ານສຶກສາ, ຕັກເຕືອນໄວໜຸ່ມ ບໍ່ໄດ້ຫຼົງລືມ ກົກເຄົ້າເຫງົ້າກໍ ຂອງ ປະເທດຊາດ, ການເສຍສະຫຼະຂອງ ປູ່ຍ່າຕາຍາຍ ທີ່ໄດ້ທຸ້ມເທ ເຫື່ອ ແຮງໃນຂະບວນການປົກປັກຮັກສາ ແລະ ສ້າງສາປະເທດຊາດ.


ທາດ ດ້າຍບີກິມເກືອງ ແລະ ສາລາ - ວິຫານ ເຕືື໋ອງກວກ, ຕາແສງ ວັນມົນ, ເມືອງ ອຽນຟອງ, ແຂວງ ບັກນິງ ຖືກບັນທຶກ ເຈັດ ສະຖິຕິ ແຫ່ງຊາດ ແລະ ໜຶ່ງ ສະຖິຕິ Guiness ໂດຍອົງການຈັດຕັ້ງ ສະຫະ ສະຖິຕິໂລກ ເປັນຜູ້ມອບໃຫ້ ກິດຈະການຕ່າງໆ ເຊັ່ນ: ສະຖານທີ່ສັກ ກະລະບູຊາ ນາຍພົນ, ວິລະຊົນແຫ່ງຊາດ ດ້ວຍ ຈຳນວຍຫຼາຍທີສຸດ; ລະຄັງທອງຟອກຄຳໃຫຍ່ທີສຸດ, ຕີລະຄັງ ບາດດຽວ ສຽງຂອງລະຄັງ 108 ໜ່ວຍ ດັງກັງວານພ້ອມກັນ...
ປະຕິບັດ: ແຄ໋ງລອງ-ຫວຽດເກື່ອງ

ບັນດາບົດທີ່ຖືກນຳສະເໜີ