ຂ່າວສານ

ຍູ້ແຮງຄວາມຄືບໜ້າໃນການສັກວັກຊິນກັນໂຄວິດ - 19

21/08/2021

ກະຊວງສາທາລະນະສຸກ ໄດ້ຮຽກຮ້ອງໃຫ້ບັນດາທ້ອງຖິ່ນ ຕ້ອງຍູ້ໄວຄວາມຄືບໜ້າໃນການສັກວັກຊິນ ຕາມຫຼັກການໄວ ແລະ ມີຄວາມປອດໄພທີ່ສຸດ.

ພາບປະກອບ: ກະຊວງສາທາລະນະສຸກ ຫວຽດນາມ

ກະຊວງສາທາລະນະສຸກ ຫວຽດນາມ ໃຫ້ຮູ້ວ່າ: ໄລ່ຮອດວັນທີ 19 ສິງຫາ, ຫວຽດນາມ ໄດ້ຮັບວັກຊິນກັນໂຄວິດ - 19 ກ່ວາ 22 ລ້ານໂດສ, ໃນນັ້ນມີວັກຊິນ AstraZeneca ກ່ວາ 14 ລ້ານໂດສ, ວັກຊິນ Moderna ກ່ວາ 5 ລ້ານໂດສ, ມີວັກຊິນ Pfizer ກ່ວາ 1,2 ລ້ານໂດສ ແລະ ວັກຊິນ Sputnik-V ແມ່ນ 12.000 ໂດສ ແລະ ວັກຊິນ Sinopharm 2,5 ລ້ານໂດສ. ໄລ່ຮອດຕອນເຊົ້າວັນທີ 20 ສິງຫາ, ຈຳນວນວັກຊິນກັນໂຄວິດ - 19 ໄດ້ສັກໃນທົ່ວປະເທດທັງໝົດແມ່ນ 16,3 ລ້ານໂດສ. ກະຊວງສາທາລະນະສຸກ ໃຫ້ຮູ້ວ່າ ກໍ່ມີເອກະສານກ່ຽວກັບການຄາດຄະເນແຈກຢາຍວັກຊິນ ແຕ່ນີ້ຮອດທ້າຍປີ 2021 ແລ້ວ. ກະຊວງສາທາລະນະສຸກ ໄດ້ຮຽກຮ້ອງໃຫ້ບັນດາທ້ອງຖິ່ນ ຕ້ອງຍູ້ໄວຄວາມຄືບໜ້າໃນການສັກວັກຊິນ ຕາມຫຼັກການໄວ ແລະ ມີຄວາມປອດໄພທີ່ສຸດ. ຢູ່ບັນດາສະຖານທີ່ສັກວັກຊິນ, ຕ້ອງມີການເຂົ້າຮ່ວມຂອງບັນດາຂະແໜງການ, ອົງການມະຫາຊົນ, ພິເສດແມ່ນລະດົມກຳລັງຄະນະຊາວໜຸ່ມ ມາຊ່ວຍຕ້ອນຮັບ, ແຈ້ງອາການສຸຂະພາບ ແລະ ຈົດທະບຽນສັກວັກຊິນກັນໂຄວິດ - 19 ໃນໂປແກຼມສັກວັກຊິນ. ສ່ວນພະນັກງານການແພດ ຈະສຸມໃສ່ໜ້າທີ່ວິຊາສະເພາະນັ້ນຄື: ກວດຫາເຊື້ອ, ປະຕິບັດການສັກຢາ ແລະ ຕິດຕາມອາການສຸຂະພາບພາຍຫຼັງການສັກຢາ...

(ແຫຼ່ງຄັດຈາກ VOV)

ສະຫາຍອເລຂາທິການໃຫຍ່ ໂຕເລີມ: ສຳນັກຂ່າວສານ ຫວຽດນາມ ສືບຕໍ່ຢືນຢັນບົດບາດເປັນອົງການຂ່າວສານຍຸດທະສາດ ແລະ ຄວາມໄວ້ເນື້ອເຊື່ອໃຈຂອງ ພັກ ແລະ ລັດ

14/09/2025
ຂ່າວສານ

ຕອນເຊົ້າວັນທີ 14 ກັນຍາ, ຢູ່ສູນສຳນັກຂ່າວແຫ່ງຊາດ, ເລກທີ 5 ຫຼີເຖື່ອງກຽດ, ຮ່າໂນ້ຍ, ສຳນັກຂ່າວສານຫວຽດນາມ (VNA) ໄດ້ຈັດພິທີມອບຫຼຽນໄຊ ໂຮ່ຈີມິນ (ເປັນຄັ້ງທີ 3) ແລະ ສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ (ວັນທີ 15 ກັນຍາ 1945 - ວັນທີ 15 ກັນຍາ 2025). ສະຫາຍເລຂາທິການໃຫຍ່ ໂຕເລີມ ໄດ້ເຂົ້າຮ່ວມ ແລະ ກ່າວຄຳເຫັນທີ່ພິທີ. ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິງຈິ໋ງ, ປະທານສະພາແຫ່ງຊາດ ເຈີ່ນແທງເໝີ໊ນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ໊ວັນຈ໋ຽນ ໄດ້ສົ່ງກະຕ່າດອກໄມ້ ແລະ ຈົດໝາຍອວຍພອນເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ.