ຍູ້ແຮງການປັບປຸງລະບອບລະບຽບການເສດຖະກິດການຕະຫລາດຕາມກຳນົດທິດສັງຄົມນິຍົມຢູ່ ຫວຽດນາມ
ກອງປະຊຸມສຳມະນາວິທະຍາສາດ “ປັບປຸງລະບອບລະບຽບການ
ເສດຖະກິດການຕະຫລາດ ຕາມກຳນົດທິດສັງຄົມນິຍົມໃນສະພາບການໃໝ່”
(ພາບ: TTXVN)
ວັນທີ 15/02 ຢູ່ຮ່າໂນ້ຍ, ໄດ້ດຳເນີນກອງປະຊຸມສຳມະນາວິທະຍາສາດ “ປັບປຸງລະບອບລະບຽບການເສດຖະກິດການຕະຫລາດ ຕາມກຳນົດທິດສັງຄົມນິຍົມໃນສະພາບການໃໝ່”. ທີ່ກອງປະຊຸມສຳມະນາ, ບັນດາຜູ້ແທນໄດ້ປຶກສາຫາລື 2 ເນື້ອໃນໃຫຍ່ຄື: ຜົນງານ, ຂໍ້ຈຳກັດ ແລະ ບັນດາບັນຫາທີ່ວາງອອກໃນວິວັດທະນາການປັບປຸງລະບອບລະບຽບການເສດຖະກິດການຕະຫລາດກຳນົດທິດສັງຄົມນິຍົມ; ທິດທາງ ແລະ ມາດຕະການປັບປຸງລະບອບລະບຽບການເສດຖະກິດການຕະຫລາດກຳນົດທິດສັງຄົມນິຍົມໃນສະພາບການໃໝ່. ທີ່ກອງປະຊຸມສຳມະນາ ບັນດາຜູ້ແທນໃຫ້ຄຳເຫັນປະກອບຄຳປຶກສາຢ່າງຟົດຟື້ນ ເພື່ອໃຫ້ສະພາທິດສະດີສູນກາງສ້າງບົດລາຍງານໃຫ້ຄຳປຶກສາ “ບາງບັນຫາດ້ານທິດສະດີ - ພຶດຕິກຳຕົວຈິງກ່ຽວກັບເລື່ອງປັບປຸງລະບອບລະບຽບການເສດຖະກິດການຕະຫລາດ ຕາມກຳນົດສັງຄົມນິຍົມ” ເປັນເສນາທິການໃຫ້ກົມການເມືອງ, ຄະນະເລຂາສູນກາງພັກກອມມູນິດ ຫວຽດນາມ ສ້າງແຜນຮ່າງກ່ຽວກັບການປັບປຸງລະບອບລະບຽບການເສດຖະກິດການຕະຫລາດຕາມກຳນົດທິດສັງຄົມນິຍົມ ເພື່ອຍື່ນສະເໜີຕໍ່ກອງປະຊຸມສູນກາງພັກ 5 ຊຸດທີ 12.
(ແຫຼ່ງຄັດຈາກ VOV)