11/04/2021 13:47 GMT+7 Email Print Like 0

ຍີ່​ປຸ່ນ ມອບ​ອຸ​ປະ​ກອນ​ການ​ແພດ​ຮັບ​ໃຊ້​ການ​ປ້ອງ​ກັນ, ສະ​ກັດ​ກັ້ນ​ໂລກ​ລະ​ບາດ​ໂຄວິດ​ - 19 ໃຫ້​ ຫວຽດ​ນາມ

ວັນທີ 9 ເມສາ, ອົງການຮ່ວມມືສາກົນ ຍີ່ປຸ່ນ (JICA) ໄດ້ມອບອຸປະກອນການແພດໃຫ້ແກ່ໂຮງໝໍສູນກາງ ເຫວ້ ເພື່ອແນໃສ່ຕອບສະໜອງວຽກງານປ້ອງກັນ, ສະກັດກັ້ນໂລກລະບາດໂຄວິດ - 19 ໂດຍດ່ວນ.
ຍີ່ປຸ່ນ ມອບອຸປະກອນການແພດຮັບໃຊ້ການປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ ໂຮງໝໍສູນກາງ ເຫວ້  (ພາບ: TTXVN)

ອົງການຮ່ວມມືສາກົນ ຍີ່ປຸ່ນ ໄດ້ມອບເຄື່ອງ ECMO, ເຄື່ອງຖ່າຍ ເອັກສະເລເຕັກນິກດີຈີຕອນເຄື່ອນທີ ແລະ ເຄື່ອງເອໂກ Doppler ລວມມູນຄ່າປະມານ 460.000 USD. ທ່ານສາດສະດາຈານ, ປະລິນຍາເອກ ຟ້າມຍືຮຽບ, ຜູ້ອຳນວຍການໂຮງໝໍສູນກາງ ເຫວ້ ໃຫ້ຮູ້ວ່າ:

        “ພວກຂ້າພະເຈົ້າຈະນຳບັນດາເຄື່ອງຈັກນີ້ເຂົ້າເຄື່ອນໄຫວໃຫ້ຮັບປະກັນຄຸນນະພາບ ແລະ ມີປະສິດທິຜົນ ໃຫ້ແກ່ຄົນເຈັບ. ຂອງຂວັນຂອງອົງການຮ່ວມມືສາກົນ ຍີ່ປຸ່ນ ທີ່ມອບໃຫ້ທາງໂຮງໝໍພວກຂ້າພະເຈົ້ານີ້ ໄດ້ປະກອບສ່ວນເຂົ້າໃນວິວັດການປ້ອງກັນ, ຕ້ານໂລກລະບາດຂອງ ຫວຽດນາມ ຢູ່ ເຫວ້ ເວົ້າສະເພາະ ກໍຄື ຂອງທົ່ວປະເທດເວົ້າລວມ”.

        ນັບແຕ່ປີ 2004 ມານີ້, ອົງການຮ່ວມມືສາກົນ ຍີ່ປຸ່ນ ໄດ້ໃຫ້ການໜູນຊ່ວຍຫຼາຍຢ່າງແກ່ໂຮງໝໍສູນກາງເຫວ້. ໂດຍສະເພາະແມ່ນຄົງການ “ຍົກລະດັບພື້ນຖານໂຄງລ່າງໂຮງໝໍສູນກາງ ເຫວ້”. 

 (ແຫຼ່ງຄັດຈາກ VOV)