04/07/2019 09:22 GMT+7 Email Print Like 0

ຊຸກຍູ້​ການ​ຮ່ວມ​ມື​ທາງ​ດ້ານອ​ຸດ​ສາ​ຫະ​ກຳ​ລະ​ຫວ່າງ ຫວຽດ​ນາມ - ໄ​ຕ້ຫວັນ​ (ຈີນ)

ຫວຽດນາມ - ໄຕ້ຫວັນ (ຈີນ) ມີຄວາມສາມາດບົ່ມຊ້ອນຫຼາຍຢ່າງໃນການຮ່ວມມືໃນຂົງເຂດການຄ້າ, ການລົງທຶນ, ພິເສດແມ່ນການຊຸກຍູ້ການຮ່ວມສຳພັນກໍ່ສ້າງລະບົບສະໜອງໃນບັນດາຂົງເຂດອຸດສາຫະກຳການຜະລິດ ແລະ ປຸງແຕ່ງ.

ທ່ານ ຫວູຕ໊ຽນລົກ ປະທານຫ້ອງການການຄ້າ ແລະ ອຸດສາຫະກຳ ຫວຽດນາມ (ພາບ: vneconomy.vn)

ນີ້ແມ່ນຂໍ້ສັງເກດຂອງບັນດານັກຊ່ຽວຊານຢູ່ເວທີປາໄສການຮ່ວມມືອຸດສາຫະກຳລະຫວ່າງ ຫວຽດນາມ - ໄຕ້ຫວັນ (ຈີນ) ໂດຍ ຫ້ອງການການຄ້າ ແລະ ອຸດສາຫະກຳ ຫວຽດນາມ (VCCI) ສົມທົບກັບສະຫະສະມາຄົມອຸດສາຫະກຳ ໄຕ້ຫວັນຈັດຕັ້ງຢູ່ ນະຄອນໂຮ່ຈີມິນ ໃນວັນທີ 2 ກໍລະກົດ.

        ທ່ານ ຫວູຕ໊ຽນລົກ, ປະທານ VCCI, ໃຫ້ຮູ້ວ່າ ປັດຈຸບັນ, ດ້ວຍກະແສຟອງການລົງທຶນ FDI ເລີ່ມຈາກຜົນກະທົບຂອງບັນດາສັນຍາການຄ້າເສລີໃໝ່, ຫວຽດນາມຈະໃຫ້ບຸລິມະສິດແກ່ບັນດານັກລົງທຶນຕ່າງປະເທດທີ່ນຳໃຊ້ເຕັກໂນໂລຢີສູງ, ສ້າງມູນຄ່າເພີ່ມຂຶ້ນຫຼາຍກ່ວາ, ເປັນມິດກັບສິ່ງແວດລ້ອມກ່ວາ ແລະ ຮ່ວມສຳພັນຢ່າງແໜ້ນແຟ້ນກັບວິສາຫະກິດ ຫວຽດນາມ. ດັ່ງນັ້ນ, ຫວຽດນາມມີຄວາມປາດຖະໜາຢາກໃຫ້ ປະຊາຄົມວິສາຫະກິດ ໄຕ້ຫວັນ (ຈີນ) ຍູ້ແຮງການລົງທຶນເຂົ້າໃນການຄົ້ນຄ້ວາພັດທະນາຜະລິດຕະພັນ, ອຸດສາຫະກຳສະໜັບສະໜູນກໍ່ຄືໜູນຊ່ວຍວິສາຫະກິດ ຫວຽດນາມເຂົ້າຮ່ວມລະບົບມູນຄ່າທົ່ວໂລກ.

        ທ່ານ ກວາງກວັນຢຽນ ປະທານສະມາຄົມໃຫຍ່ອຸດສາຫະກຳ ໄຕ້ຫວັນ (ຈີນ) ເນັ້ນໜັກວ່າ: ປັດຈຸບັນ, ຫວຽດນາມພວມກາຍເປັນສະຖານທີ່ລົງທຶນທີ່ດູດດືມຂອງບັນດາວິສາຫະກິດຕ່າງປະເທດ ແລະ ກໍ່ແມ່ນເປົ້າໝາຍມຸ່ງໄປເຖິງຍຸດທະສາດເປີດກ້ວາງການຂະຫຍາຍລົງສູ່ທິດໃຕ້ຂອງ  ໄຕ້ຫວັນ (ຈີນ). ຝ່າຍ ໄຕ້ຫວັນ (ຈີນ) ປາດຖະໜາຢາກ ລົງທຶນເຂົ້າ ຫວຽດນາມ ຢູ່ບັນດາຂະແໜງຄື ອຸດສາຫະກຳຕ່ຳແຜ່ນຕັດຫຍິບ, ເກີບໜັງ, ບັນດາຂະແໜງອຸດສາຫະກຳສະໜັບສະໜູນຕ່າງໆ.

(ແຫຼ່ງຄັດຈາກ VOV)