ໃນລະຫວ່າງວັນທີ 19 – 20 ກັນຍາ, ຢູ່ວໍຊິງຕັນ, ອາເມລິກາ ແລະ ຈີນ ໄດ້ດຳເນີນການປຶກສາຫາລືຂັ້ນຮອງລັດຖະມົນຕີ ເພື່ອປຶກສາຫາລືກ່ຽວກັບບັນດາບັນຫາດ້ານການຄ້າ.
        ທີ່ການປຶກສາຫາລືຄັ້ງນີ້, 2 ຝ່າຍໄດ້ສຸມໃສ່ປຶກສາຫາລືກ່ຽວກັບເລື່ອງຈີນ ຊື້ສິນຄ້າຜະລິດຕະພັນກະເສດຂອງອາເມລິກາ ແລະ ບັນດາມາດຕະການຂອງປັກກິງ ເພື່ອແນໃສ່ແກ້ໄຂບັນດາຄວາມວິຕົກກັງວົນຂອງວໍຊິງຕັນ ທີ່ກ່ຽວຂ້ອງເຖິງຊັບສິນທາງປັນຍາ. 2 ຝ່າຍຫວັງວ່າ ຈະບັນລຸໄດ້ຂໍ້ຕົກລົງເພື່ອຮັດແຄບຄວາມບໍ່ລົງລອຍກັນ ເພື່ອໃຫ້ຜູ້ຕາງໜ້າດ້ານການຄ້າອາເມລິກາ ທ່ານ Robert Lighthizer ພ້ອມກັບທ່ານລັດຖະມົນຕີການເງິນ Sterven Mnuchin ແລະ ທ່ານຮອງນາຍົກລັດຖະມົນຕີຈີນ ຫຼຽວເຄືອ ສາມາດລົງນາມໃນເດືອນຕຸລາ ຈະມາເຖິງ.