ທ່ານນາງໂຄຊົກກະຊວງການຕ່າງປະເທດຈີນ ຄວາຈວນຢິງ
(ພາບ: CFP)

      ທີ່ກອງປະຊຸມຖະແຫຼງຂ່າວນັດສາມັນເຊິ່ງຖືກດຳເນີນໃນຕອນບ່າຍວັນທີ 10 ທັນວາ, ທ່ານນາງໂຄຊົກກະຊວງການຕ່າງປະເທດຈີນ ຄວາຈວນຢິງ ຖະແຫຼງວ່າ, ປະເທດນີ້ຕົກລົງທົງໂທດເຈົ້າໜ້າທີ່ ແລະ ບຸກຄະລາກອນທີ່ເຮັດວຽກໃນກົງຈັກບໍລິຫານ, ສະພາແຫ່ງຊາດ, ອົງການບໍ່ຂຶ້ນກັບລັດຖະບານຂອງອາເມລິກາ ບາງຄົນ ແລະ ຍາດຕິພີນ້ອງຂອງເຂົາເຈົ້າ ທີ່ມີການກະທຳ ແລະ ເປັນຜູ້ຮັບຜິດຊອບຕົ້ນຕໍໃນບັນດາບັນຫາກ່ຽວຂ້ອງເຖິງ ຮົ່ງກົງ. ພ້ອມທັງ, ຕົກລົງຍົກເລີກບຸລິມະສິດໃນການຍົກເວັ້ນວີຊາໃຫ້ບັນດາຜູ້ຖືໜັງສືຜ່ານແດນທາງການທູດຂອງອາເມລິກາ ເມື່ອມາຢ້ຽມຢາມ ຮົ່ງກົງ ແລະ ມາເກົ້າ (ຈີນ).

(ແຫຼ່ງຄັດຈາກ VOV)