ຂ່າວສານ
ຈີນລົງໂທດເຈົ້າໜ້າທີ່ 30 ຄົນ ທີ່ເປັນສະມາຊິກຄະນະລັດຖະບານຂອງ ທ່ານອະດີດປະທານາທິບໍດີ Donald Trump
ຕອນຄ່ຳວັນທີ 20 ມັງກອນ, ກະຊວງການຕ່າງປະເທດ ຈີນ ໄດ້ປະກາດວ່າ ປັກກິ່ງ ໄດ້ລົງໂທດເຈົ້າໜ້າທີ່ເກືອບ 30 ຄົນ ແລະ ບັນດາສະມາຊິກໃນຄະນະລັດຖະບານຂອງ ທ່ານ ອະດີດປະທານາທິບໍດີ ອາເມລິກາ Donald Trump, ໃນນັ້ນມີທ່ານ ອະດີດລັດຖະມົນຕີກະຊວງການຕ່າງປະເທດ Mike Pompeo ຍ້ອນມີການກະທຳລະເມີດອະທິປະໄຕຂອງຈີນ.
ຈີນໄດ້ອອກຂໍ້ຕົກລົງລົງໂທດ 28 ຄົນທີ່ໄດ້ລ່ວງລ້ຳອະທິປະໄຕຂອງຈີນຢ່າງຮ້າຍແຮງ. ຕາມກະຊວງການຕ່າງປະເທດຈີນແລ້ວ, ບັນດາເປົ້າໝາຍນີ້ ໄດ້ຂຶ້ນແຜນການ, ຊຸກຍູ້ ແລະ ປະຕິບັດການກະທຳແຊກແຊງເຂົ້າວຽກງານພາຍໃນຂອງຈີນຢ່າງຮ້າຍແຮງ, ເຮັດໃຫ້ບັນດາຜົນປະໂຫຍດຂອງ ຈີນຖືກຫຼຸດລົງ, ແຕະຕ້ອງເຖິງປະຊາຊົນຈີນ ແລະ ເຮັດໃຫ້ການພົວພັນລະຫວ່າງ ຈີນ - ອາເມລິກາຖືກຕັດຂາດຢ່າງຮ້າຍແຮງ.
(ແຫຼ່ງຄັດຈາກ VOV)
