ຂ່າວສານ

ຈຳນວນຜູ້ຕິດເຊື້ອພະຍາດ ແລະ ເສຍຊີວິດຍ້ອນເຊື້ອໄວຣັດສາຍພັນໃໝ່ Corona ເພີ່ມຂຶ້ນຢ່າງແຮງ ຢູ່ ແຂວງ ຮູເປີຍ, ປະເທດຈີນ

04/02/2020

ຕາມຕົວເລກທີ່ໄດ້ອັບເດັດ, ໄລ່ຮອດຕອນເຊົ້າວັນທີ 3 ກຸມພາ, ຈຳນວນຜູ້ຕິດເຊື້ອໄວຣັດສາຍພັນໃໝ່ Corona (2019 nCoV) ຢູ່ ຈີນ ລື່ນກາຍຕົວເລກ 17.200 ຄົນ, ໃນນັ້ນມີ ຜູ້ຫາກໍຕິດເຊື້ອພະຍາດຕື່ມອີກ 2.829 ຄົນ ແລະ ຜູ້ເສຍຊີວິດ 57 ຄົນ. ດັ່ງນັ້ນ, ໄລ່ຮອດປັດຈຸບັນ, ຈຳນວນຜູ້ເສຍຊີວິດຢູ່ ຈີນທັງໝົດ ແມ່ນ 361 ຄົນ ແລະ ຢູ່ ຟີລິບປິນ ແມ່ນ 1 ຄົນ.

ພາບປະກອບ (TTXVN)

ຕາມຄະນະກຳມະການສຸຂະພາບ ແລະ ການແພດແຫ່ງຊາດ ຈີນ ແລ້ວ, ໃນຊຸມມື້ຈະມາເຖິງຈຳນວນຜູ້ຕິດເຊື້ອ ແລະ ເສຍຊີວິດ ຢູ່ ແຂວງ ຮູເປີຍ ອາດຈະສືບຕໍ່ເພີ່ມຂຶ້ນຢ່າງແຮງ ຍ້ອນຕົວເລກຄົນ ຈຳນວນຫຼວງຫຼາຍທີ່ຢູ່ໃນສະພາວະການສຸກເສີນ ແລະ ສົງໄສວ່າຕິດແປດນັ້ນໄດ້ເລີ່ມເຂົ້າສູ່ໄລຍະເປັນພະຍາດ.

ກ່ອນໜ້ານັ້ນໃນວັນທີ 2 ກຸມພາ, ກອງທັບຈີນ ໄດ້ມອບສິດການຄວບຄຸມໂຮງໝໍກາງສະໜາມ ຫົວແຊ໊ນຊານ ເຊິ່ງໄດ້ຮັບການກໍ່ສ້າງພາຍໃນ10 ວັນເພື່ອແນໃສ່ ປິ່ນປົວໃຫ້ແກ່ບັນດາຄົນເຈັບທີ່ຕິດໄວຣັດສາຍພັນໃໝ່ (2019 nCoV) ຢູ່ ເຂດສູນກາງຂອງການແຜ່ລະບາດເຊິ່ງແມ່ນນະຄອນອູຮັ້ນ ແຂວງ ຮູ້ເປີຍ.

(ແຫຼ່ງຄັດຈາກ VOV)

ຊຸກຍູ້ຂົງເຂດຮ່ວມມືຈຳນວນໜຶ່ງທີ່ມີລັກສະນະຍຸດທະສາດລະຫວ່າງ ລາວ ແລະ ຫວຽດນາມ

08/04/2026
ຂ່າວສານ

ເນື່ອງໃນໂອກາດການຢ້ຽມຢາມ ສປປ.ລາວ ຂອງ ທ່ານ ເຈິ່ນເກີມຕູ ຜູ້ປະຈຳການຄະນະເລຂາທິການສູນກາງພັກກອມມູນິດ ຫວຽດນາມ ແລະ ຄະນະຜູ້ແທນຂັ້ນສູງ ຫວຽດນາມ ຢ່າງເປັນທາງການ ຈະດຳເນີນໃນວັນທີ 09 ເມສາ 2026, ນັກຂ່າວສຳນັກຂ່າວສານ ຫວຽດນາມ ໄດ້ສຳພາດ ທ່ານນາງ ຄຳເພົາ ເອີນທະວັນ ເອກອັກຄະລັດຖະທູດ ຜູ້ມີອຳນາດເຕັມແຫ່ງ ສປປ.ລາວ ປະຈຳ ຫວຽດນາມ ກ່ຽວກັບເນື້ອໃນທີ່ກ່ຽວຂ້ອງເຖິງການຢ້ຽມຢາມ.