01/10/2021 23:09 GMT+7 Email Print Like 0

ຄູບາ, ສຳມະເນນ ແລະ ພຸດທະສາສະນິກກະຊົນ ຫວຽດນາມ ອາໄສ ຢູ່ ລາວ ຮ່ວມແຮງຮ່ວມໃຈພ້ອມກັບປະຊາຊົນ ລາວ ຕ້ານໂລກລະບາດ

      ຕອນເຊົ້າວັນທີ 01 ຕຸລາ, ຢູ່ນະຄອນຫຼວງ ວຽງຈັນ, ລາວ, ພະອາຈານ ທິກມິງກວາງ, ຫົວໜ້າຄະນະປະສານງານພຸດທະສາສະໜາ ຫວຽດນາມ ໄດ້ມອບເຄື່ອງໃຊ້ທີ່ຈຳເປັນ ລວມມູນຄ່າ 25 ລ້ານກີບ ໃຫ້ແນວລາວສ້າງຊາດ ເພື່ອແບ່ງປັນຄວາມຫຍຸ້ງຍາກກັບປະຊາຊົນລາວບັນດາເຜົ່າ ທີ່ພວມໄດ້ຮັບຜົນສະທ້ອນຈາກໂລກລະບາດໂຄວິດ - 19.
ຄູບາ, ສຳມະເນນ ແລະ ພຸດທະສາສະນິກກະຊົນ ຫວຽດນາມ  ອາໄສ ຢູ່ ລາວ ມາມອບເຄື່ອງໃຊ້ທີ່ຈຳເປັນ ໃຫ້ແນວລາວສ້າງຊາດ (ພາບ: TTXVN)
      ກ່າວຄຳເຫັນທີ່ພິທີ, ພະອາຈານ ທິກມິງກວາງ, ເຈົ້າອາວາດວັດ ເຟິດຕິກ ວຽງຈັນ ເນັ້ນໜັກວ່າ ເຖິງວ່າເຄື່ອງຊ່ວຍເຫຼືອຈຳນວນໜ້ອຍກໍຕາມ ແຕ່ນັ້ນກໍແມ່ນນ້ຳຈິດນ້ຳໃຈຂອງຄູບາ, ສຳມະເນນ ແລະ ພຸດທະສາສະນິກກະຊົນ ຫວຽດນາມ ທີ່ພວມດຳລົງຊີວິດ ແລະ ເຮັດວຽກຢູ່ນະຄອນຫຼວງ ວຽງຈັນ ທີ່ມີຕໍ່ປະຊາຊົນ ແລະ ພຸດທະສາສະນິກກະຊົນ ລາວ.
        ໂດຍຕາງໜ້າໃຫ້ແນວລາວສ້າງຊາດ ແລະ ປະຊາຊົນ ລາວ, ທ່ານນາງ ຄຳຈັນ ພົມແສງສະຫວັນ - ຮອງປະທານຜູ້ປະຈຳການແນວລາວສ້າງຊາດ ໄດ້ຕີລາຄາສູງຕໍ່ການກະທຳອັນສູງສົ່ງ ແລະ ຈົບງາມນີ້ຂອງ ຄູບາສຳມະເນນ ແລະ ພຸດທະສາສະນິກກະຊົນ ຫວຽດນາມ ອາໄສ ຢູ່ ລາວ. ທ່ານນາງຢັ້ງຢືນວ່າ ສິ່ງດັ່ງກ່າວໄດ້ສະແດງໃຫ້ເຫັນວ່າ ປະຊາຄົມຊາວ ຫວຽດນາມ ອາໄສຢູ່ ລາວ ເວົ້າລວມ ແລະ ຄູບາ, ສຳມະເນນ ຫວຽດນາມ ຢູ່ ລາວ ເວົ້າສະເພາະ ຍາມໃດກໍເອົາໃຈໃສ່, ເປັນຫ່ວງເປັນໃຍ ແລະ ຕິດຕາມສະພາບການຜັນແປຂອງພະຍາດຢູ່ລາວຢ່າງໃກ້ຊິດ, ຍາມໃດກໍພ້ອມທີ່ຈະຮ່ວມແຮງຮ່ວມໃຈໃຫ້ການຊ່ວຍເຫຼືອປະຊາຊົນ ລາວ ໃນຍາມປະສົບກັບຄວາມຫຍຸ້ງຍາກ.
(ແຫຼ່ງຄັດຈາກ VOV)